საქართველოდან სომხეთის მიმართულებით ნავთობპროდუქტების სარკინიგზო გადაზიდვებში წლების მანძილზე მონოპოლისტური მდგომარეობა იყო საზღვრის ორივე მხარეს. სომხეთში 2018 წლის მაისის ხავერდოვანი რევოლუციის შემდეგ, ახალმა პრემიერ-მინისტრმა ნიკოლ ფაშინიანმა მონოპოლიებს ბრძოლა გამოუცხადა. ფაშინიანის გადაწყვეტილებამ სომხეთში მეწარმეებს გზა გაუხსნა სხვადასხვა ბიზნესში. თუმცა საქართველოში ვითარება უცვლელი დარჩა. საქართველოს რკინიგზა საწვავის გადაზიდვის უფლებას უკანონოდ უკრძალავს კომპანიებს და მონოპოლისტურ მდგომარეობაში ჰყავს მხოლოდ 2 კომპანია, რომლებსაც როსნეფტისა და ლუკოილის საწვავი გადააქვთ სომხეთში. როგორ ბლოკავს საქართველოს რკინიგზა სხვა გადამზიდავებს და ვინ ლობირებს მონოპოლიურ სქემას? - ნახეთ “თავისუფლების მონიტორის” მიერ მომზადებულ ფილმში.