"ეს შესაძლებელი გახდა აშშ-ის პრეზიდენტ დონალდ ტრამპის სპეციალური წარმომადგენლის, კით კელოგის, მინსკში ვიზიტის წყალობით. ყოფილმა პოლიტპატიმარმა ბელარუსი დატოვა“, - ნათქვამია პოსტში.
ასევე ცნობილია, რომ გაათავისუფლეს მინსკის ენათმეცნიერების სახელმწიფო ინსტიტუტის ასოცირებული პროფესორი ნატალია დულინა, ანარქისტი აკიჰირო გაევსკი-ხანადა და ჟურნალისტი გალინა კრასნიანსკაია.
ასევე გაათავისუფლეს რადიო თავისუფლების ბელარუსული სამსახურის ყოფილი ჟურნალისტი იჰარ კარნი.
ტრამპის სპეციალური წარმომადგენლის, კით კელოგის მოადგილემ, ჯონ კოულმა დაწერა, რომ სულ 14 ბელარუსელი პოლიტპატიმარი გაათავისუფლეს.
„პრეზიდენტ ტრამპის ძლიერი ხელმძღვანელობის წყალობით, დღეს ბელარუსში 14 პატიმარი გაათავისუფლეს. „მადლობა ლიეტუვის მთავრობას თანამშრომლობისა და დახმარებისთვის - ისინი ნამდვილ მეგობრებად და მოკავშირეებად რჩებიან“, - წერს ის.
2020 წელს სიარჰეი ციხანოუსკი პოპულარული ბლოგერი იყო, YouTube-ზე „ქვეყანა სიცოცხლისთვის“ პროექტის შემქმნელი. მას სურდა ბელარუსის პრეზიდენტად კენჭისყრა, მაგრამ დააპატიმრეს. მის ნაცვლად კანდიდატი გახდა მისი მეუღლე, სვეტლანა ციხანოუსკაია, რომელსაც მომიტინგეები სახელმწიფოს არჩეულ მეთაურად მიიჩნევენ.
2021 წლის დეკემბერში ციხანოუსკის 18 წლით თავისუფლების აღკვეთა მიესაჯა. 2023 წლის თებერვალში მას დამატებით წელიწად-ნახევარი დაუმატეს სასჯელაღსრულების დაწესებულების ადმინისტრაციის მოთხოვნებისადმი ბოროტად დაუმორჩილებლობის მუხლით.
ფორუმი