16:58 - საქალაქო სასამართლოს დერეფანში ხალხმრავლობაა. მოქალაქეები რიგში დგანან #12 დარბაზთან. აქაა ჩანიშნული გიორგი ახობაძის სხდომა, სადაც მხარეები ელიან, რომ მოსამართლე რომეო ტყეშელაშვილი განაჩენს გამოაცხადებს.
მოსამართლე: რომეო ტყეშელაშვილი
პროკურორი: შმაგი გობეჯიშვილი
ბრალდებული: გიორგი ახობაძე
გიორგი ახობაძე 7 დეკემბერს რუსთაველზე გამართული საპროტესტო აქციიდან სახლში დაბრუნებისას დააკავეს.
მას ბრალი სისხლის სამართლის კოდექსის 260-ე მუხლის მე-6 ნაწილით წარედგინა, რაც დიდი ოდენობით ნარკოტიკული საშუალებების უკანანო შეძენა-შენახვას გულისხმობს.
აღნიშნული დანაშაული 8-დან 20-წლამდე ან უვადო თავისუფლების აღკვეთას ითვალისწინებს.
ადვოკატების განმარტებით, საქმეში არ არსებობს ნეიტრალური მტკიცებულება, ანუ ვიდეოჩანაწერი ან მოწმე, რომელიც დაადასტურებდა, რომ ახობაძეს ჰქონდა ნარკოტილი. შეუსაბამობებია მოწმეების ჩვენებებში, ნარკოტიკის შესაფუთ ლენტაზე დატანილი დნმ-ი კი ნერწყვია.
ახობაძემ დაკავებისთანავე თქვა, რომ მას პირში თითი გამოუსვეს, მის საწინაადმდეგოდ. მისი თქმით, ნარკოტიკი ჩაუდეს და ეს უკავშირდება მის მონაწილეობას პროევროპულ აქციებში.
ფორუმი