მოსამართლე ნინო გალუსტაშვილს უკითხავს ადვოკატი ნათია კორკოტაძე საზოგადოებრივი ადვოკატების სიას და ამბობს, რომ ისინი შვებულებაში არიან და თუ ეს ასეა, როგორ ესწრებიან სხდომას?
მოსამართლე ამტკიცებს, რომ სალომე არდოტელი დისტანციურად ესწრება. ნათია კორკოტაძისთვის კი ცნობილია, რომ ის შვებულებაშია.
ჩვენ ვერ ვხედავთ და არ გვესმის სალომე არდოტელის ხმა, გაუგევარია რა ფორმითაა ის დისტანციურად სხდომაში ჩართული.
რადიო თავისუფლებამ მიწერა საზოგადოებრივ ადვოკატს, სალომე არდოტელს, ის ამბობს, შვებულებაში გასვლას გეგმავდა თუმცა გადადო და სხდომასაც ესწრება.
„განსახილველ საქმეში უტყუარად არ დადასტურდა ბრალად წარდგენილი არცერთი გარემოება. აქედან გამომდინარე, გთხოვთ, ლუკა ჯაბუას მიმართ გამოიტანოთ გამამართლებელი განაჩენი", - ადვოკატმა დასკვნითი სიტყვა დაასრულა.
რუსუდან აგურაშვილის კიდევ ერთი არგუმენტი, რატომ არაა ეს რიგითი საქმე - „ეს რომ რიგითი სისხლის სამართლის საქმე არ არის, ამას ადასტურებს ამ პროცესზე საზოგადოებრივი ადვოკატების ჩართვაც მაშინ, როდესაც ამისი არანაირი სამართლებრივი საფუძველი არ არსებობდა. სასამართლოს არ ჰქონდა გარემოება და მიზეზი, დაენიშნა ადვოკატი სახელმწიფოს ხარჯზე მაშინ, როდესაც თითოეული ბრალდებულს ისედაც ჰყავდა მისივე არჩეული ადვოკატი. დაცვის მხარეს არცერთხელ არ გამოუვლენია პასუხისმგებლობის დაბალი მაჩვენებელი".
„ეს რომ რიგითი სისხლის სამართლის საქმე არ არის, ამასვე ადასტურებს დაკავებიდან დღემდე ლუკა ჯაბუას პატიმრობაში ყოფნის ფაქტი", - ამბობს ადვოკატი და აგრძელებს:
„იმ პირობებში, როდესაც ლუკა ჯაბუას 21 წელი სასამართლო სხდომის დარბაზში შეუსრულდა და სასამართლო აღკვეთი ღონისძიების ყველა გადასინჯვისას აიგნორებდა და ყურადღების მიღმა ტოვებდა დაცვის მხარის მითითებას მისი ასაკის, წარსულში არა ნასამართლეობის, ოჯახური მდგომარეობის, მიმალვის საფრთხის, მტკიცებულებების განადგურებისა თუ მოწმეებზე ზემოქმედების საფრთხის არარსებობის საკითხებზე. ეს რომ ნებისმიერი სხვა, ნაკლებად გახმაურებული და პოლიტიკურად ნაკლებად საინტერესო საქმე ყოფილიყო, ლუკა ჯაბუას მიმართ ნებისმიერი ნაკლებად მკაცრი აღკვეთი ღონისძიება უნდა ექნებოდა შეფარდებული".
ფორუმი