1 სექტემბერს მსოფლიოს მრავალ ქვეყანაში კვლავ გაიხსნა სკოლები ზაფხულის არდადეგებისა და კორონავირუსის პანდემიით გამოწვეული საკარანტინო ზომების შემდეგ. ბავშვების სკოლაში დაბრუნებასთან ერთად იზრდება ინფექციის გავრცელების საფრთხე.
COVID-19: სკოლები სერიოზული გამოცდის წინაშე
11
ექვსი წლის ტილდა პირბადეს ისწორებს და პირველად მიემართება სკოლაში გერმანიის ქალაქ როდენბახში 18 აგვისტოს. გერმანიაში სკოლებმა აგვისტოს დამდეგიდან დაიწყეს მუშაობა. სპეციალისტთა თქმით, სკოლების გახსნის შემდეგ გერმანიაში 20 წლამდე ასაკის მოსახლეობაში კორონავირუსით ინფიცირების პროპორციული მაჩვენებლები არ გაუარესებულა.
12
ანრი მატისის სკოლის მოსწავლეები საფრანგეთის ქალაქ ნიცაში. საფრანგეთში მასწავლებლებს და 11-18 წლის მოსწავლეებს პირბადეების ტარება ევალებათ სკოლის შენობაშიც და მის გარეთაც.
13
ტრადიციულ სამოსში გამოწყობილი მოსწავლეები თათარსტანის დედაქალაქ ყაზანის სკოლაში.
14
სასწავლო წლის პირველი დღე ყაზანის სკოლაში.
15
რუსეთის ქალაქ ეკატერინბურგში გააუქმეს 1 სექტემბრის ტრადიციული ცერემონია. რუსეთის სკოლებში მოსწავლეებს შენობაში შესვლის წინ სიცხეს უზომავენ, შენობაში განაწილებულია ხელების სადეზინფექციო საშუალებები.
16
პირველკლასელები სასწავლო წლის დაწყების ცერემონიაზე ნოვოსიბირსკის 218-ე სკოლაში. რუსეთში 17 მილიონი მოსწავლე უბრუნდება საკლასო ოთახებს. პირბადეები არ არის სავალდებულო, მაგრამ ხელისუფლებამ უსაფრთხოების ზოგი სხვა ზომა შემოიღო.
17
დუშანბეში ახალი სასკოლო წელი 17 აგვისტოს დაიწყო. ტაჯიკი მასწავლებლები ჩივიან, რომ დასწრება დაბალია. ისინი სახლში აკითხავენ მოსწავლეებს, რათა დაარწმუნონ მშობლები, რომლებსაც აშინებთ სკოლებში უსაფრთხოების არასაკმარისი ზომები. ზოგიერთ სკოლაში ხელების სადეზინფექციო საშუალებები და საპონი დაარიგეს, მაგრამ სკოლების უმრავლესობაში უჭირთ ფიზიკური დისტანციის დაცვა.
18
დუშანბეს სკოლაში მოსწავლეებს სიცხეს უზომავენ. 17 აგვისტოს ფოტო.
19
ავღანელი მოსწავლე ქალაქ ჰერათის სკოლაში. ავღანეთში სკოლებმა 22 აგვისტოს განაახლა მუშაობა. მოსწავლეებისთვის სავალდებულოა პირბადეების ტარება. კლასებში მოსწავლეთა რაოდენობა გაანახევრეს და გაკვეთილები ორ ცვლად ტარდება.
20
მასწავლებლები და ბავშვები ფიზიკურ დისტანციას იცავენ ღია ცის ქვეშ გაკვეთილისას მთიან დუდჰპათრიში, ინდოეთის ბუდგამის ოლქში. 24 აგვისტო.
