7 სექტემბერს რადიო თავისუფლების „დილის საუბრების“ სტუმარი იყო საზოგადოებრივი მაუწყებლის ეკონომიკური ანალიტიკოსი მერაბ ჯანიაშვილი. მან ილაპარაკა ლარის კურსის ვარდნაზე დოლართან მიმართებით. მერაბ ჯანიაშვილის განცხადებით, მიუხედავად იმისა, რომ უკანასკნელი ნახევარი თვის განმავლობა ლარის გაცვლითი კურსი დოლართან მიმართებით 10 პუნქტით გაუარესდა (2,38-დან 2,48-მდე), ეს არ ნიშნავს სავალალო მდგომარეობას. მისი სიტყვებით, ახლო სამეზობლოსა თუ სხვა პარტნიორ ქვეყნებში არსებული მდგომარეობაც არ იძლევა საფუძველს იმის ვარაუდისა, რომ გარე ფაქტორები უარყოფითად მოქმედებს ლარის მდგომარეობაზე. მერაბ ჯანიაშვილის თქმით, ლარის კურსზე გავლენის მოხდება ეროვნული ბანკს აკისრია, თუმცა ბანკი სიტყვიერ განცხადებებსაც კი არ აკეთებს, რაც ლარის კურსის ცვლილების გამო მასზე უარყოფით ზეწოლას შეამცირებდა.
