მაკო სახელმწიფოს უჩივის

20 ივნისის დაზარალებული, მაკო გომური შსს-ს მორალური ზიანის ანაზღაურებას სთხოვს. სამხარაულის ექსპერტიზის ბიუროს დასკვნით, დაზიანებები, რომელიც მან აქციაზე მიიღო, 30%-ით ამცირებს მის შრომისუნარიანობას. ექსპერტიზის პასუხს მაკო 6 თვის განმავლობაში ელოდა, თუმცა მისთვის უკვე დიდი ხანია ცხადია, რომ ძველებურად აღარც სწავლა გამოდის, აღარც მუშაობა და აღარც ცხოვრება - მაკო ორი წელია თავის ახალ თავს და ახალ ცხოვრებას ეჩვევა. მაკოს მსგავსად, 20 ივნისს არაერთი ადამიანი დაშავდა - მათ უმრავლესობას ამ დრომდე დაზარალებულის სტატუსიც კი არ აქვს.