„ქართული ოცნების“ მთავრობის მეთაურმა ირაკლი კობახიძემ კომენტარი გააკეთა თეა წულუკიანის განცხადებაზე, რომელმაც გიორგი ანწუხელიძეს უწოდა “უაზროდ განწირული ვიღაცის პიარისთვის“ და თქვა, რომ წულუკიანმა უბრალოდ „ფაქტების კონსტატაცია“ მოახდინა.
“რეალურად, ქალბატონმა თეამ გააკეთა ძალიან მკაფიო განცხადება. ყველამ ვიცით ძალიან კარგად, არათუ ამ ომის თავიდან აცილება შეიძლებოდა, არამედ ეს ომი დაიწყო სააკაშვილის რეჟიმმა, რასაც მერე ხელი მოაწერეს, თავადვე აღიარეს”, - თქვა ირაკლი კობახიძემ.
“როდესაც საუბრობს თეა წულუკიანი იმაზე, რომ შეიძლებოდა ამ ომის თავიდან არიდება, რომ შესაძლებელი იყო ჩვენი გმირები დღეს ყოფილიყვნენ ცოცხალი და ეზრუნათ საკუთარ ოჯახებზე, ეს არის უბრალოდ ფაქტის კონსტატაცია”, - განაცხადა კობახიძემ და დასძინა - “რა თქმა უნდა, რომ არა ის დაკვეთა, რომელიც მიიღო სააკაშვილის რეჟიმმა და შეასრულა, არ იქნებოდა არც ომი და არც მსხვერპლი და ზუსტად ამაზე გაამახვილა ყურადღება თეა წულუკიანმა”.
ასევე ნახეთ ირაკლი ზარქუა: თეა წულუკიანი გულისხმობდა, რომ გიორგი ანწუხელიძე გმირია