თემურ ჩხეიძის სახელოსნო დახურეს

თეატრისა და კინოს უნივერსიტეტმა გააუქმა „თანამედროვე თეატრალური ხელოვნების განვითარების ცენტრი“, რომელიც 2014 წელს თემურ ჩხეიძემ დაარსა. 11 აპრილს უნივერსიტეტმა გაავრცელა განცხადება, რომელშიც აღნიშნულია, რომ ცენტრის ლიკვიდაციის შესახებ გადაწყვეტილება რექტორატის საგანგებო სხდომის მოწვევის შემდეგ მიიღეს.

რეჟისორი დათა თავაძე, თემურ ჩხეიძის სახელოსნოს ერთ-ერთი ხელმძღვანელი, გიორგი გვახარიასთან საუბარში ამბობს, რომ ცენტრის დახურვა „პოლიტიკურად მოტივირებული სადამსჯელო პროცესის დასრულება“ იყო.