"მნიშვნელოვანია შემდგომშიც ვიქონიოთ ზეგავლენა რუსეთის გავლენის ქსელებზე, აგრეთვე მის წარმოებასა და სავაჭრო ოპერაციებზე.
ვცდილობთ უკრაინის სანქციების მაქსიმალური სინქრონიზება მოვახდინოთ ევროპის ყველა სანქციასთან, რომ ეს იყოს საერთო პოზიცია და უკვე გვაქვს კარგი შედეგები. კერძოდ, რუსეთის დახურულ საწარმოებზე, რომლებიც მათ „თავდაცვაზე“ მუშაობს.
ვემზადებით ახალ სასანქციო ნაბიჯებზე ამერიკასთან სალაპარაკოდ - ვარჩევთ რუსეთის ზუსტად იმ მტკივნეულ წერტილებს, რომლებიც ყველაზე მეტად უბიძგებს მოსკოვს დიპლომატიისკენ".
სამშაბათის ვიდეომიმართვაში უკრაინის პრეზიდენტი ცეცხლის შეწყვეტის საკითხს კიდევ ერთხელ შეეხო:
"მათ უნდა გადადგან მკაფიო ნაბიჯები ომის დასრულებისკენ და ჩვენ მოვითხოვთ, რომ ახალი ნაბიჯი უნდა იყოს ცეცხლის უპირობო და სრული შეწყვეტა. რუსეთმა ეს უნდა გააკეთოს. ახლა ისინი ღელავენ, რომ აღლუმი კითხვის ნიშნის ქვეშ დგას და სწორადაც ღელავენ. თუმცა უნდა იღელვონ იმაზე, რომ ეს ომი გრძელდება. მათ უნდა დაასრულონ ომი".