აშშ-ის პრეზიდენტი დონალდ ტრამპი მიიჩნევს, რომ რუსეთის პრეზიდენტ ვლადიმირ პუტინს უკრაინაში ომის დასრულება სურს. ეს ტრამპმა ადრეც არაერთხელ თქვა, მიუხედავად იმისა, რომ რუსეთი უკრაინის წინააღმდეგ ინტენსიურ საბრძოლო მოქმედებებს განაგრძობს და უარს ამბობს პირველ ეტაპზე 30-დღიან ზავზე, რომელსაც უკრაინა ჯერ კიდევ მარტში დასთანხმდა აშშ-ის წარმომადგენლებთან საუდის არაბეთში გამართული მოლაპარაკების შედეგად.
29 აპრილს ABC News-თან ინტერვიუში პრეზიდენტმა ტრამპმა უკრაინაში ომის დაწყების გამო პასუხისმგებლობა ისევ პრეზიდენტ ბაიდენის ადმინისტრაციას დააკისრა და განაცხადა, რომ მისი აზრით, პუტინს ომის შეჩერება სურს.
დონალდ ტრამპის თქმით, მას რომ საპრეზიდენტო არჩევნებში არ გაემარჯვა, პუტინი მთელ უკრაინას დაიპყრობდა.
აშშ-ის პრეზიდენტმა ცალსახა პასუხი არ გასცა შეკითხვას, ენდობა თუ არა პუტინს. დონალდ ტრამპის განცხადებით, ის ბევრ ადამიანს არ ენდობა, მაგრამ ფიქრობს, რომ მას პუტინი პატივს სცემს და ამის გამო არ დაიპყრობს მთელ უკრაინას, რისი გეგმაც ჰქონდა.
ასევე ნახეთ კრემლის 3-დღიანი ზავი, ტრამპის 100-დღიანი ძალისხმევა და ამერიკელების 61%, რომლებსაც რუსეთ-უკრაინის ომი აღელვებთაშშ ჯერჯერობით უშედეგოდ ცდილობს უკრაინაში ცეცხლის შეწყვეტასა და მხარეებს შორის მოლაპარაკებების დაწყებას მიაღწიოს.
პრეზიდენტ დონალდ ტრამპის ადმინისტრაციამ ბოლო ხანს რამდენჯერმე განაცხადა, რომ თუ უახლოეს ხანში პროგრესი არ იქნება, სამშვიდობო ძალისხმევის გაგრძელებაზე უარს იტყვის.