დედაქალაქიდან ქუთაისის საერთაშორისო აეროპორტისკენ მიმავალი ავტობუსები შეცვლილი ადგილებიდან გავლენ. როგორც კომპანიები „ჯორჯიან ბასი“ და „ომნიბუს ექსპრესი“ განმარტავენ, 10 ივნისიდან ამოქმედდება ახალი წესი, რომელიც სახმელეთო ტრანსპორტის სააგენტომ მიიღო.
- Georgian Bus-ის („ჯორჯიან ბასი“) შემთხვევაში - თბილისიდან ქუთაისის აეროპორტისკენ მიმავალი ავტობუსი, თავისუფლების მოედნის ნაცვლად „თბილისი ცენტრალიდან“ (ე.წ. რკინიგზის ავტოსადგურიდან) გავლენ;
- Omnibus Express-ის („ომნიბუს ექსპრესი“) ავტობუსები კი ელბაქიძის აღმართის ნაცვლად ორთაჭალის ცენტრალური ავტოსადგურიდან (მე-4 ბაქანი).
ქუთაისის აეროპორტისკენ, საიდანაც დაბალბიუჯეტური ავიაკომპანიები ასრულებენ ფრენებს, დედაქალაქიდან 200 კილომეტრის დაშორებით მდებარეობს. ამ აეროპორტიდან ევროპის ქვეყნების დედაქალაქებსა და სხვა ქალაქებში არაერთი ფრენა სრულდება.