5 ივნისს, დღის 12 საათისთვის ვორონეჟის ოლქის გუბერნატორ ალექსანდრ გუსევის ტელეგრამ-არხზე გამოქვეყნდა ცნობა, რომ ერთ-ერთი მატარებლის მემანქანემ რკინიგზაზე „უმნიშვნელო დაზიანება შენიშნა“.
გუსევის თანახმად, მიზეზს ოპერატიული სამსახურები დაადგენენ. მიუხედავად იმისა, რომ გუბერნატორი „უმნიშვნელო“ დაზიანებას იუწყება, ხაზს უსვამს, რომ არავინ დაშავებულა.
31 მაისს, გვიან საღამოს რუსეთის ბრიანსკის ოლქში აფეთქებამ რკინიგზის თავზე არსებული საავტომობილო ხიდი ჩამოანგრია, რის შედეგადაც ლიანდაგებიდან გადავარდა მოსკოვისკენ მიმავალი სამგზავრო მატარებლის რამდენიმე ვაგონი. ოფიციალური მონაცემებით, დაიღუპა 7 და დაშავდა 100-ზე მეტი ადამიანი.
1 ივნისს კურსკის ოლქში, სარკინიგზო ხიდზე მოხდა აფეთქება, რომლის შედეგად დაშავდნენ სატვირთო მატარებლის მემანქანე და ორი თანაშემწე.
ასევე ნახეთ ბრიანსკის შემდეგ კურსკი - რუსეთში ორი ხიდი დაინგრა, მოსკოვის ვერსიაა აფეთქებარუსეთის საგამოძიებო კომიტეტმა კურსკის და ბრიანსკის ოლქებში რკინიგზაზე მომხდარი აფეთქებების გამო სისხლის სამართლის საქმე ტერაქტის მუხლით აღძრა.
პრეზიდენტმა პუტინმა „ტერაქტებში“ უკრაინა დაადანაშაულა.
უკრაინას რუსეთის რკინიგზაზე აფეთქებების შესახებ არაფერი უთქვამს.
ასევე ნახეთ უკრაინამ რუსეთს 4 აეროდრომზე 41 სამხედრო თვითმფრინავი დაუზიანა - გენერალი მალიუკი ასევე ნახეთ ტრამპისა და პუტინის სატელეფონო საუბარი შედგა. ტრამპი: პუტინმა განაცხადა, რომ იძულებული იქნება უპასუხოს საჰაერო ბაზებზე თავდასხმას