ხარკოვის მერის, იგორ ტერეხოვის ტელეგრამ-არხზე დილის ექვსი საათისთვის გამოქვეყნებული ინფორმაციით, დაფიქსირებულია 11 დარტყმა, კიდევ ერთი დრონი კი არ აფეთქდა.
ტერეხოვის ცნობით, დაშავდა სულ მცირე 12 ადამიანი, მათ შორის 4 ბავშვი.
ხარკოვის მერის თანახმად, ხანძრები გაჩნდა სახლებსა და სასწავლო დაწესებულებებში, დანგრეულია არასაცხოვრებელი შენობა და საზოგადოებრივი ტრანსპორტის გაჩერება.
ხარკოვის საცხოვრებელ რაიონებზე რუსული დრონებით მასირებული შეტევა იყო 11 ივნისსაც. დაიღუპა 5 და დაშავდა 60 ადამიანი.
ხარკოვზე რუსული დრონებით შეტევის შედეგად ცეცხლმოკიდებული სახლი და დამწვარი ავტომანქანა. 2025 წლის 11 ივნისი
განახლება: 12 ივნისს, დილის 8 საათისთვის ხარკოვის საოლქო პოლიციის ტელეგრამ-არხზე გამოქვეყნდა ინფორმაცია, რომ ღამის განმავლობაში ქალაქზე შეტევის შედეგად დაშავდა 15 ადამიანი, მათ შორის 4 ბავშვი. დაზიანებულია მრავალბინიანი და კერძო სახლები, სკოლები, საბავშვო ბაღი და მაღაზია.