აშშ-ის სახელმწიფო მდივანმა მარკო რუბიომ ხუთშაბათს, 10 ივლისს, განაცხადა, რომ მალაიზიაში რუს კოლეგასთან შეხვედრის დროს აშშ-მა და რუსეთმა უკრაინის სამშვიდობო მოლაპარაკებებთან დაკავშირებით ახალი იდეები გაცვალეს.
„ვფიქრობ, ეს ახალი და განსხვავებული მიდგომაა, - უთხრა რუბიომ ჟურნალისტებს რუსეთის საგარეო საქმეთა მინისტრ სერგეი ლავროვთან საუბრის შემდეგ. - ამას მშვიდობის გარანტიას არ დავარქმევდი, მაგრამ ეს არის კონცეფცია, რომელსაც დღეს პრეზიდენტს გადავცემ“. დეტალები მას არ დაუკონკრეტებია.
ასევე ნახეთ Reuters: პაუზის შემდეგ აშშ უკრაინას ისევ უგზავნის ზოგიერთი სახეობის იარაღს ასევე ნახეთ „დამქანცველი ხოცვა-ჟლეტა“ - დაიწყო თუ არა რუსეთის არმიის ზაფხულის შეტევა?რუბიომ დასძინა, რომ პრეზიდენტი დონალდ ტრამპი „იმედგაცრუებულია იმით, რომ რუსეთის მხარემ მეტი მოქნილობა არ გამოიჩინა“ კონფლიქტის დასასრულებლად.
რუბიოსა და ლავროვის მოლაპარაკებები კუალა-ლუმპურში, სამხრეთ-აღმოსავლეთ აზიის ქვეყნების ასოციაციის ყოველწლიური რეგიონული ფორუმის ფარგლებში ჩატარდა. ეს არის საგარეო საქმეთა მინისტრების მეორე შეხვედრა, რომელიც რუბიოს მიერ თანამდებობის დაკავების შემდეგ ჩატარდა, თუმცა მათ რამდენჯერმე ტელეფონითაც ისაუბრეს.
ასევე ნახეთ უკრაინაზე რუსეთის მორიგი შეტევის შემდეგ ზელენსკიმ პარტნიორებს სწრაფად მოქმედებისკენ მოუწოდა ასევე ნახეთ კუნძულ ზმეინის დამცველი რუსეთში ტყვეობაზე: "ვჭამდით თაგვებს, ტუალეტის ქაღალდს, ლოკოკინებს, ჭიებს...“