ჰერჩინსკიმ განაცხადა, რომ საქართველოს ევროკავშირის გზაზე დაბრუნების ერთადერთი გზა "რეპრესიების შეჩერება, უსამართლოდ დაკავებულთა გათავისუფლება, რეპრესიული კანონმდებლობის გაუქმებაა“.
შალვა პაპუაშვილი წერს, რომ პაველ ჰერჩინსკი ძალადობას ამართლებს:
„ერთი რამე უნდა გვესმოდეს. როდესაც პაველ ჰერჩინსკი მოლოტოვის კოქტეილის მსროლელზე, პიროტექნიკის დამმიზნებელზე, პოლიციელზე წიხლებით შემდგომზე ამბობს, რომ უსამართლოდაა დაკავებული, ის იმას კი არ ამბობს, რომ მოლოტოვი არ უსვრია ერთს ან წიხლით პოლიციელზე არ შემდგარა მეორე.
ის დაკავებას უსამართლოს იმიტომ უწოდებს, რომ ის ამ ძალადობას ამართლებს - კი, მოლოტოვის კოქტეილი სასროლი იყო და იმიტომ ესროლა; კი, წიხლებით შესადგომი იყო და შედგა კიდეც; კი, პიროტექნიკაც უნდა ესროლა და ჯობდა უკეთ დაემიზნებინა - ესაა, როგორც ჩანს, მისი სათქმელი“, - წერს ის სოციალურ ქსელში და თავის პოსტს ურთავს ვიდეოკოლაჟს, სადაც პროევროპულ აქციებზე დაკავებულების სახელები და გვარები და სისხლის სამართლის საქმეებში არსებული ვიდეო-კადრებია დამონტაჟებული.
შალვა პაპუაშვილის თანახმად, ადამიანის უფლებების უპატივცემულობა და ღირებულებების თავდაყირა დაყენება, უცხოელ პოლიტიკოსთა თუ დიპლომატთა რიტორიკაში, სამწუხარო ყოველდღიურობად იქცა.
„ქართული ოცნების“ პარლამენტის თავმჯდომარე სოციალურ ქსელში გამოქვეყნებულ პოსტს თან ურთავს პოსტსკრიპტუმსაც და წერს:
„ეს არ არის ელჩზე თავდასხმა, ეს არის ლეგიტიმური კრიტიკა, რომელსაც თვითრეფლექსია და პასუხი სჭირდება“.
18 ივლისს, ელჩის კომენტარის ფონი იყო საქართველოს ხელისუფლების წარმომადგენლების განცხადებები ევროკავშირის მხრიდან "შანტაჟის" და "სუვერენიტეტში ჩარევის" შესახებ. "ქართული ოცნების" წევრები ამ გზავნილებით ცდილობენ მოსახლეობის წარმოდგენებში ევროკავშირის დისკრედიტაციასა და დემონიზაციას.
ასევე ნახეთ უვიზო მიმოსვლის დაკარგვაზე სრული პასუხისმგებლობა საქართველოს ხელისუფლებას ეკისრება - ჰერჩინსკიელჩი აღნიშნავდა, რომ გარკვეულწილად ევროკავშირს უკვე შეჩერებული აქვს უვიზო რეჟიმი საქართველოსთან, რაც იმას ნიშნავს, რომ დიპლომატიური და სამსახურებრივი პასპორტის მფლობელებს აღარ შეუძლიათ უვიზო მიმოსვლა, თუმცა ევროკომისიის მოთხოვნების შეუსრულებლობის შემთხვევაში, 1 სექტემბრიდან მოსალოდნელია, რომ ვიზის გარეშე ვერც საქართველოს მოქალაქეები ვერ ივლიან ევროკავშირის წევრ ქვეყნებში.
ასევე ნახეთ კობახიძის თქმით, უვიზო მიმოსვლის გაუქმების მიზანი "მეორე ფრონტის" გახსნის სურვილია ასევე ნახეთ ეს ევროკავშირის ავტორიტეტს შეეხება - "ოცნების" მთავრობას უვიზო მიმოსვლის საკითხზე 47 დღე მისცეს