ტრამპი ასევე შეეწინააღმდეგა ისრაელის პრემიერ-მინისტრ ბენიამინ ნეთანიაჰუს მიერ შაბათ-კვირას გაკეთებულ განცხადებას, რომ „ღაზაში შიმშილი არ არის“.
„ეს რეალური შიმშილის საკითხია“, - თქვა ტრამპმა. - „მე ამას ვხედავ და ამის გაყალბება შეუძლებელია. ასე რომ, ჩვენ კიდევ უფრო მეტად ჩავერთვებით“.
ასევე ნახეთ ისრაელის ორი წამყვანი უფლებადამცველი ორგანიზაცია აცხადებს, რომ მათი ქვეყანა ღაზაში გენოციდს ახორციელებსტრამპმა, რომელიც ძირითადად ჰამასს ადანაშაულებს ღაზაში მშვიდობიანი მოსახლეობისთვის დახმარების განაწილების შეფერხებაში, ისრაელსაც დააკისრა „დიდი პასუხისმგებლობა“ რეგიონში დახმარების შეზღუდვასთან დაკავშირებით და კიდევ ერთხელ მოუწოდა ჰამასს, გაათავისუფლოს დარჩენილი მძევლები მოლაპარაკებების გასაადვილებლად.
"ჩვენ ვაპირებთ საკვების ცენტრების შექმნას და ამას ძალიან კარგ ადამიანებთან ერთად გავაკეთებთ, მივაწვდით დაფინანსებასაც. ახლახან ტრილიონობით დოლარი მივიღეთ, რის ნაწილ ფულსაც საკვებზე დავხარჯავთ და ამაში სხვა ერებიც შემოგვიერთდებიან. ასე რომ, ჩვენ საკვების ცენტრებს შევქმნით, სადაც ხალხს მისვლა შეეძლება. ეს იქნება წინაღობების გარეშე, ჩვენ არ გვექნება ღობეები", - განაცხადა ტრამპმა.