ნორვეგიის სამხედრო დაზვერვის სამსახურმა 27 ოქტომბერს განაცხადა, რომ რუსეთმა გასულ კვირას ბირთვული ძრავით აღჭურვილი შორი მოქმედების ფრთოსანი რაკეტა „ბურევესტნიკი“ არქტიკაში, ბარენცის ზღვის არქიპელაგიდან, ნოვაია ზემლიადან გაუშვა, წერს Reuters-ი.
რუსეთმა კვირას განაცხადა, რომ წარმატებით გამოცადა „ბურევესტნიკი“ 9M730, რომელსაც ნატო SSC-X-9-Skyfall-ს უწოდებს - ბირთვული ქობინის მქონე იარაღი, რომელზეც მოსკოვი აცხადებს, რომ შეუძლია ნებისმიერი თავდაცვითი ფარის გარღვევა, თუმცა არ დაუკონკრეტებია, თუ სად მოხდა გაშვება.
„ჩვენ შეგვიძლია დავადასტუროთ, რომ რუსეთმა ფრთოსანი რაკეტა Skyfall-ს (ბურევესტნიკი) ახალი საცდელი გაშვება მოაწყო ნოვაია ზემლიაზე“, - განუცხადა ნორვეგიის დაზვერვის სამსახურის ხელმძღვანელმა, ვიცე-ადმირალმა ნილს ანდრეას სტენსოენესმა Reuters-ს ელექტრონული ფოსტით გაგზავნილ განცხადებაში.