კონსულტაციების შედეგად, მხარეები შეთანხმდნენ „სტამბოლის შეთანხმებების“ გააქტიურებაზე. "ეს შეეხება 1200 უკრაინელის გათავისუფლებას", - წერს უმეროვი სოციალურ ქსელში:
"ტექნიკური კონსულტაციები ახლო მომავალში გაიმართება. მათზე უნდა დაზუსტდეს ყველა პროცედურული და საორგანიზაციო დეტალი.
ვმუშაობთ შეუსვენებლად, რომ უკრაინელები, რომლებიც უნდა დაბრუნდნენ ტყვეობიდან, ახალ წელსა და საშობაო დღესასწაულებს სახლში შეხვდნენ - ოჯახურ სუფრასთან, ახლობლების გვერდით".
გამოცემა The Kyiv Independent-ის თანახმად, 2022 წელს უკრაინაში რუსეთის სრულმასშტაბიანი შეჭრიდან დღემდე კიევმა რუსეთის ტყვეობიდან 5800-ზე მეტი ადამიანი დააბრუნა.
ივლისში უკრაინის პრეზიდენტმა ვოლოდიმირ ზელენსკიმ განაცხადა, რომ გაცვლის გზით რუსეთის ტყვეობიდან დაბრუნდა 5857 ადამიანი, გაცვლის მიღმა გზებით (დეტალები არ დაუზუსტებია) - კიდევ 555. "მნიშვნელოვანია გაცვლების გაგრძელება და თითოეულ სახელთან დაკავშირებით ვითარების დაზუსტება. თითოეული ადამიანი მნიშვნელოვანია", - განაცხადა მიმდინარე წლის ივლისის ბოლოს ზელენსკიმ, რომელიც "ყველა-ყველაზე" გაცვლის მიღწევას ცდილობს, თუმცა ამ წინადადებას რუსეთი უარყოფს.
ასევე ნახეთ ქარვაში გაჭედილი მწერები - ინტერვიუ ომის ყოფილ ტყვესთან, მაქსიმ ბუტკევიჩთან ასევე ნახეთ "ბოროტი ექიმი", რომელმაც უკრაინელი სამხედრო ტყვეები აწამა მორდოვეთის ერთ-ერთ ყველაზე დახურულ კოლონიაში (გამოძიება) ასევე ნახეთ კუნძულ ზმეინის დამცველი რუსეთში ტყვეობაზე: "ვჭამდით თაგვებს, ტუალეტის ქაღალდს, ლოკოკინებს, ჭიებს...“ ასევე ნახეთ როგორ ხვდებიან უკრაინელი სამხედრო ტყვეები ჩეჩნეთში