დღევანდელ „მეათე სტუდიაში“ საუბარი გვექნება დემოგრაფიულ ვითარებაზე საქართველოში და ხელისუფლების ინიციატივაზე ვითარების გამოსასწორებლად; ვილაპარაკებთ მედიის თავისუფლების საკითხზე - როგორია, ჟურნალისტების თვალსაზრისით, მათ მიმართ მთავრობის დამოკიდებულება, წინა წლებთან შედარებით; შემოგთავაზებთ გიორგი გვახარიას რეპორტაჟს ბერლინის 63-ე საერთაშორისო კინოფესტივალიდან, რომელიც ხვალ დაიხურება; მოგითხრობთ პრაღაში გამართულ ტურისტული მრეწველობის საერთაშორისო გამოფენაზე, რომელიც ამჯერად საქართველოს მონაწილეობის გარეშე ჩატარდა. გავიხსენებთ დიდ რუს საოპერო მომღერალს, ფიოდორ შალიაპინს, რომელსაც ამ კვირაში დაბადებიდან 140 წელი შეუსრულდა.
