დღეს არასამთავრობო ორგანიზაციებმა ”ახალგაზრდა იურისტთა ასოციაციამ” და ”საერთაშორისო გამჭვირვალობა-საქართველომ” თბილისისა და ბათუმის საქალაქო სასამართლოებში სისხლის სამართლისა და ადმინისტრაციული სამართლის საქმეებზე სასამართლო პროცესების მონიტორინგის შედეგების პრეზენტაცია გამართეს. მონიტორინგი სასამართლო სხდომის დარბაზში დაკვირვებას ითვალისწინებდა. ნონა მჭედლიშვილი დაკვირვების შედეგებზე “ახალგაზრდა იურისტთა ასოციაციის” წარმომადგენელს თინათინ ავალიანს ესაუბრა. “ახალგაზრდა იურისტთა ასოციაციის” მონიტორინგი თბილისის საქალაქო სასამართლოში სისხლის სამართლის საქმეებზე განხორციელდა.
