კიდევ ერთმა ოფიციალურმა პირმა, რომელიც მოლაპარაკებების მიმდინარეობას იცნობს, კომენტარისგან თავი შეიკავა.
გამოცემა ყურადღებას ამახვილებს აშშ-ის ადმინისტრაციის რიტორიკაზე: 18 აპრილს როგორც პრეზიდენტმა დონალდ ტრამპმა, ისე სახელმწიფო მდივანმა მარკო რუბიომ განაცხადეს, რომ ისინი შეთანხმების მიღწევას ცდილობენ, თუმცა შესაძლოა ამ ძალისხმევაზე უარი თქვან, თუ მოლაპარაკებები სწრაფად არ წარიმართება.
ტრამპმა უკვე წაუყენა ულტიმატუმი კრემლს – ცეცხლის შეწყვეტის შესახებ გაგზავნილ წინადადებაზე პასუხი მიღებულ უნდა იქნეს კვირის ბოლომდე. უკრაინის პრეზიდენტი ვოლოდიმირ ზელენსკი უარყოფს ოკუპირებულ ტერიტორიებზე რუსეთის კონტროლის აღიარების შესაძლებლობას.
„The Bell“ კი იმაზე ამახვილებს ყურადღებას, რომ ოკუპირებულ ტერიტორიებზე რუსეთის კონტროლის აღიარების საკითხი სხვადასხვა ფორმულირებით მანამდეც განიხილებოდა.
„მიდის თუ არა საუბარი ყირიმის რუსეთთან შეერთების ოფიციალურ აღიარებაზე ან, მაგალითად, დაფიქსირდეს, რომ უკრაინა არ შეეცდება მის სამხედრო გზით დაბრუნებას – ასეთი პუნქტი, კერძოდ, შედიოდა 2022 წლის გაზაფხულზე სტამბოლში გამართული, მაგრამ გაუფორმებელი შეთანხმებების შავ მონახაზში – უკრაინა მზად იყო ვალდებულება აეღო, რომ 15 წლის განმავლობაში არ გამოიყენებდა შეიარაღებულ ძალებს ყირიმის დასაბრუნებლად“, – წერს გამოცემა.