„მამაცი ქართველი ხალხის 200-დღიანი პროტესტის შემდეგ, „ქართული ოცნების“ ტაქტიკა სულ უფრო ლაჩრული ხდება“, - აცხადებს სენატორი. მისი ეს განცხადება 16 ივნისს გამოქვეყნდა - პროევროპული საპროტესტო დემონსტრაციების 201-ე დღეს.
სენატორი შაჰინი წერს, რომ თანაინვესტირების ფონდის ყოფილი ხელმძღვანელის, გიორგი ბაჩიაშვილის „გატაცების შესახებ ცნობები წარმოადგენს დარტყმას ქართულ დემოკრატიაზე“.
„მე გავაგრძელებ ძალისხმევას, რათა მივაღწიო პასუხისმგებლობის დაკისრებას, მაგალითად, როგორიცაა ჩემი ორპარტიული MEGOBARI აქტის მიღება“, - აცხადებს იგი. მის კომენტარს სენატორის საგარეო ურთიერთობათა კომიტეტი ავრცელებს.
ჯინ შაჰინი აშშ-ის სენატის საგარეო ურთიერთობათა კომიტეტის წევრია, სადაც, 27 მარტს, საქართველოსთან დაკავშირებულ ორპარტიული კანონპროექტი - „მეგობარი აქტი“ [MEGOBARI] დაამტკიცეს. დარჩენილია კენჭისყრა სენატის სრული შემადგენლობის მიერ. აქტი 5 მაისს დაამტკიცა კონგრესის ქვედა, წარმომადგენელთა პალატამ.
„ქართული ოცნების“ წარმომადგენლები აცხადებენ, რომ აღნიშნული კანონპროექტი, - რომლის მიღებასაც „გლობალური ომის პარტიის“/„დიპ სტეიტის“ გავლენას უკავშირებენ, - არის „მტრული აქტი“ საქართველოს წინააღმდეგ.
ასევე ნახეთ გვსურს, წინ წავწიოთ „მეგობარი აქტი“ - სენატორები შაჰინი და რიში ასევე ნახეთ აშშ-მა მკაფიოდ ჩამოაყალიბა, რა შეიძლება საქართველოს მთავრობამ გააკეთოს სერიოზულობის საჩვენებლად - აშშ-ის საელჩოგიორგი ბაჩიაშვილმა, - ბიძინა ივანიშვილის ყოფილი „პირადი ფინანსისტი“, რომელსაც იგი ერთ მილიარდამდე ღირებულების კრიპტოვალუტის მითვისებას ედავებოდა, - მარტის დასაწყისში მალულად დატოვა ქვეყანა. ის, სავარაუდოდ, არაბთა გაერთიანებულ საამიროებში გაემგზავრა.
სამ თვეზე ნაკლებ ხანში, 27 მაისს, საქართველოს სახელმწიფო უსაფრთხოების სამსახურმა განაცხადა, რომ გიორგი ბაჩიაშვილი დააკავეს - მას შემდეგ, რაც „26 მაისს განხორციელებული ანონიმური შეტყობინებით ცნობილი გახდა, რომ [ბაჩიაშვილი] წითელი ხიდისა და სადახლოს შორის არსებული ე.წ. მწვანე საზღვრის მონაკვეთის მიმდებარედ გადაადგილდებოდა“.
ასევე ნახეთ ბაჩიაშვილი საუბრობს „მკვლელობის შეკვეთაზე“, გაქცევის დეტალებსა და ივანიშვილის „სიცოცხლის გახანგრძლივების მცდელობაზე“თუმცა ბაჩიაშვილმა სასამართლოზე რადიკალურად განსხვავებული რამ თქვა: „მე გამიტაცეს საზღვარგარეთიდან, თვალები ამიხვიეს, ორი დღე თვალებახვეული მატარეს. ადვოკატის, პროკურორისა და ოჯახის წევრებთან დალაპარაკების გარეშე. შემდგომ მოტაცებული ჩამტენეს „აირზენას“ ბომბარდირის თვითმფრინავში: ყველანაირი ახსნა-განმარტების გარეშე, ყველა კანონის დარღვევით ჩამომიყვანეს საქართველოში“.
ბაჩიაშვილის თქმით, „აირზენას“ ბორტზე სუს-ის უფროსი ანრი ოხანაშვილიც იმყოფებოდა.
ასევე ნახეთ „ერთ-ერთი ინსპირატორი ბაჩიაშვილია“ - „ოცნება“ ფინანსური დამნაშავეებისგან ქონების ამოღებას „ამარტივებს“ ასევე ნახეთ ეს ვერსია სუსის პრესტიჟს ამაღლებს - მდინარაძე ბაჩიაშვილის ნათქვამზე, რომ მისი დაბრუნებისას ბორტზე ოხანაშვილი იყო