ბოლო კვირებში აშკარა გახდა ავღანეთის თალიბანში განხეთქილება - შიდა დაპირისპირებას აღარ მალავს საიდუმლოებით მოცული შეიარაღებული გაერთიანება. ავღანეთის საქმეებში ჩახედული მკვლევრები ფიქრობენ, რომ ისლამისტურ დაჯგუფებაში ძალაუფლებისთვის ბრძოლა გამძაფრდა.
ავღანეთში, ძალაუფლების კვლავ ხელში ჩაგდების შემდეგ, თალიბანი ცდილობს აჩვენოს, თითქოს გამჭვირვალობის მომხრეა, მაგრამ მოქმედი შინაგან საქმეთა მინისტრის, სირაჯუდინ ჰაყანის გამოსახულების, მისი სახის, მისი ფოტოების დამალვა, საპირისპიროზე მეტყველებს.
