გადაცემების განრიგი

გადაცემის წამყვანი, გიორგი გვახარია, და მისი სტუმრები საუბრობენ თემებსა და მოვლენებზე, რომლებიც შედარებით ნაკლებად გააშუქა ქართულმა მედიამ - პოლიტიკიდან დაწყებული, კულტურით დამთავრებული. ცნობილ ექსპერტებთან ერთად, გადაცემაში მონაწილეობენ საზოგადოებისთვის ნაკლებად ცნობილი სახეები, ახალგაზრდა სამოქალაქო აქტივისტები. გამოყენებულია "რადიო თავისუფლების" საარქივო მასალები, რომელთაც გადაცემის სტუმრები "დღევანდელი გადასახედიდან" აფასებენ.   გადაცემა ეთერში გადის ყოველ სამუშაო დღეს, 17:00-ზე, სიხშირეზე FM 107,4.

ეს პროგრამა ჩვენი ტრადიციული რადიოჟურნალია, რომელიც ორი ათეული წლის წინათ შეიქმნა ჯერ კიდევ მიუნხენში - რადიო თავისუფლების ყოფილ შტაბ-ბინაში, სადაც ქართული რედაქციის გადაცემების ჩასაწერად მე-10 სტუდია იყო გამოყოფილი. რადიოჟურნალი „მეათე სტუდია“ მრავალფეროვან თემებს ეძღვნება - სიუჟეტებს პოლიტიკასა და ეკონომიკაზე, გამოფენებსა და ფესტივალებზე, ინტერვიუებს ქართველ და უცხოელ ექსპერტებთან და ხელოვანებთან. გადაცემა, რომელსაც მარიამ ჭიაურელი უძღვება, ყოველ პარასკევს, 19:00-ზე გადის ეთერში სიხშირეზე FM 107,4.