15 მაისს რადიო თავისუფლების დილის გადაცემის სტუმარი იყო არჩილ კაიკაციშვილი, ”ახალგაზრდა ადვოკატთა ასოციაციის” ხელმძღვანელი. მან ილაპარაკა კვლევაზე, რომელიც საბჭოთა ანაბრების დაბრუნების პერსპექტივას ეხება. დასრულებული კვლევა მაისის ბოლოს გამოქვეყნდება და, არჩილ კაიკაციშვილის თქმით, მასში იქნება ხელისუფლებისთვის რეკომენდაციებიც. საკითხზე ”ახალგაზრდა ადვოკატების ასოციაციასთან” ერთად ”ახალგაზრდა ფინანსისტთა და ბიზნესმენთა ასოციაციაც” მუშაობს. მთავრობისადმი ერთ-ერთი რეკომენდაცია იქნება საბჭოთა ანაბრების მფლობელთა რაოდენობისა და მთლიანად ანაბრების რაოდენობის გამოსავლენად 2014 წელს დაგეგმილი აღწერის კითხვარში ანაბრებზე პუნქტების ჩართვა.