​​ბოლო წლებში გამოჩენილი ძალისხმევის, არაერთი საჯარო განცხადებისა თუ საკანონმდებლო ცვლილების მიუხედავად, საქართველოში მწვავე პრობლემად რჩება საზოგადოების არცთუ მცირე ნაწილის მიერ არაჰეტეროსექსუალი თანამოქალაქეების ათვალწუნება და, მეტიც, სიძულვილი. 17 მაისს, ჰომოფობიასთან ბრძოლის საერთაშორისო დღეს, თბილისის ცენტრალურ საჯარო სივრცეებში ჩანდნენ კონსერვატიზმის სახელით მოქმედი, დიდწილად ჰომოფობიური ძალები. სექსუალური უმცირესობების წარმომადგენლები კვლავაც უხილავ და გარიყულ ადამიანებად რჩებიან. რა პერსპექტივები აქვს ლგბტ თემის აქტივიზმს საზოგადოებაში შემწყნარებლობის გაზრდის ან ჰომოფობიის შემცირების საქმეში? ამ და სხვა საკითხებზე ესაუბრება​ სალომე ასათიანი თავის სტუმარს, ქალთა ინიციატივების მხარდამჭერი ჯგუფის დირექტორს, ნათია გვიანიშვილს.