შსს-ს თანამშრომელი ემირ კაჯიროვი, მოწმე საბა ზაკალაშვილის საქმეზე: აქციას ჰქონდა აგრესიული ხასიათი, შსს-მ ფეისბუქით, ხმოვანი შეტყობინებით მოუწოდა დემონსტრანტებს, რომ დაშლილიყვნენ, მაგრამ არ დაიშალნენ. რადგან ჩვენ არ გვქონდა შესაბამისი აღჭურვილობა, ვთხოვეთ გდდ-ს თანამშრომლებს, დაეკავებინათ საბა ზაკალაშვილი.
ადვოკატი: როდის იყო სამართალდარღვევა ჩადენილი, რომელ საათზე? პატაკში არ არის მითითებული დრო.
შსს-ს წარმომადგენელი ემირ კაჯიროვი: არ მახსოვს.
საბა ზაკალაშვილი: ჩემგან თუ გახსოვთ ფიზიკური და სიტყვიერი შეურაცხყოფა?
შსს-ს წარმომადგენელი ემირ კაჯიროვი: ხელებს იქნევდა.
ადვოკატი: რას გაჩვენებდათ?
შსს-ს წარმომადგენელი ემირ კაჯიროვი: აგრესიული იყო.
მოსამართლე გადავიდა ვიდეოჩანაწერების განხილვის ნაწილზე.
შსს-წარმომადგენელი: აღნიშნული პიროვნებების მიმართ პატიმრობა იქნება შეუსაბამო. იმ პიროვნებების მიმართ, რომლებიც პოლიციას აყენებდნენ სიტყვიერ შეურაცხყოფას, უფრო მკაცრი სახდელი (ჯარიმა) უნდა იყოს გამოყენებული.
ადვოკატი: ის კადრები, რომლებიც ასახავს, რა მდგომარეობაშიც ეს ადამიანები აღმოჩნდნენ რუსთაველის თეატრთან, ყველა საერთაშორისო სტანდარტით, უთანაბრდება წამებას და არ შეიძლება, სახელმწიფო ასე მოქმედებდეს.
ადვოკატი: სამწუხაროა, რომ ამ საქმეების განხილვისას, გვიწევს ისეთ საქმეებზე ლაპარაკი, როგორიცაა “ნემცოვი რუსეთის წინააღმდეგ”, “ნავალნი რუსეთის წინააღმდეგ”.
სასამართლო გავიდა გადაწყვეტილების მისაღებად.
ფორუმი