“ეს ქვეყანა გადარჩება, ეს ქვეყანა არ არის ომონის, ეს ქვეყანა არასდროს იქნება რუსეთის. თქვენ ხართ გამპრავებლები ქუსლით თავის დამსრესი პოლიციელების", - მიმართა მოსამართლე კობა ჩაგუნავას ნიკა გვარამიამ სასამართლო პროცესზე.
გვარამია მის მიმართ წარდგენილ 166-ე მუხლს სასაცილოდ მიიჩნევს და აღნიშნავს, რომ მისი მხრიდან არანაირ წვრილმან ხულიგნობას ადგილი არ ჰქონია. გვარამია ამბობს, რომ ოფისში, სადაც დააკავეს, თავისი უფლების განხორციელებას ცდილობდა და პოლიციისთვის სიტყვიერი შეურაცხყოფა არ მიუყენებია:
"მე ვარ ქართველი კაცი და როცა მაგინებენ, პასუხს გავცემ".
ნიკა გვარამიას თქმით, მისთვის დაკავების ოქმი არავის წარმოუდგენია და არც ხელი არ მოუწერია. იგი ამბობს, რომ ოქმი, რომელიც საქმეშია, არის გაყალბებული, რაზეც "შსს-ს წარმომადგენლები პასუხს აგებენ".
მოსამართლე ნიკა გვარამიას საქმეზე სათათბიროდ გავიდა
იწყება პროევროპულ აქციებზე ჯგუფური ძალადობის ორგანიზებით დაკავებულების სასამართლო პროცესი.
ამ სხდომაზე აღკვეთის ღონისძიების შეფარდებაზე უნდა იმსჯელონ.
ცხრა დაკავებული სხდომაზე ერთად მიიყვანეს. პროცესი იმართება საქალაქო სასამართლოს ყველაზე დიდ დარბაზში, სადაც 150 კაცი ეტევა. ამ მომენტისთვის დარბაზი სავსეა დამსწრეებით, მათგან 5-კაციანი სკამების ოთხი ზოლი პოლიციელებს უკავიათ.
ფორუმი