დნეპროპეტროვსკის საოლქო-სამხედრო ადმინისტრაციის ხელმძღვანელ სერჰიი ლისაკის ტელეგრამ არხზე დღის ორის ნახევრისთვის გამოქვეყნებული ინფორმაციით, ქალაქ სამარში დაიღუპა 3 და დაიჭრა 14 ადამიანი.
განახლება: დღის ორი საათისთვის ლისაკმა განაცხადა, რომ სამარში დაიღუპა 4 და დაიჭრა 17 ადამიანი.
რუსეთის ჯარებმა უკრაინის ამ რეგიონს რაკეტებით დაარტყეს 24 ივნისსაც. ოლქის ადმინისტრაციულ ცენტრში, ქალაქ დნეპროპეტროვსკში 21 ადამიანი დაიღუპა, ხოლო ქალაქ სამარში - 2. ადგილობრივი ხელისუფლების ცნობით, დაშავდა 300-ზე მეტი ადამიანი.
დაინგრა და დაზიანდა სახლები, სასწავლო და სამედიცინო დაწესებულებები, ადმინისტრაციული შენობები და რკინიგზის ინფრასტრუქტურა.
განახლება: დღის სამი საათისთვის დნეპროპეტროვსკის საოლქო-სამხედრო ადმინისტრაციის ხელმძღვანელის ტელეგრამ არხზე გამოქვეყნდა ცნობა, რომ საავადმყოფოში გარდაიცვალა ერთი დაჭრილი. დაღუპულთა რიცხვი 5-მდე გაიზარდა. ლისაკის ცნობითვე, დაჭრილია 23, რომელთაგან ოთხის მდგომარეობა მძიმეა.
ფორუმი