17:18 - სხდომათა დარბაზში შესვლისას ჭყლეტაა. მანდატური ამბობს, რომ დარბაზში აღარავის შეუშვებენ. სკამების ნაწილი ცარიელია. გარეთ ხმაურია.
“უკან გაიწიეთ, რა გჭირთ”, - ყვირის მანდატური.
მოსამართლესთან კომუნიკაციით შეთანხმდა, რომ 28 ადამიანი შემოვა.
17:15 - სასამართლო 6 საათამდე მუშაობს, თუმცა მხარეებთან შეთანხმებით არასამუშაო საათებშიც შეიძლება გააგრძელოს მოსამართლემ განხილვა. ფაქტია, ეს სხდომა ფინალია. ბრალდებულის სიტყვის შემდეგ ორი გზა რჩება - მოსამართლე რომეო ტყეშელაშვილმა ან განაჩენი უნდა გამოაცხადოს ან გადადოს განაჩენის გამოცხადება მომდევნო სხდომაზე.
17:15 - გიორგი ახობაძის ახლობელი ამბობს, რომ ექიმ ბრალდებულს მრავალგვერდიანი სიტყვა აქვს დაწერილი, რომელსაც სხდომაზე წაიკითხავს.
- დაახლოებით რამდენი ფურცელია? - ვეკითხები.
“ძალიან ბევრი”.
17:10 - მანდატური წინასწარ აფრთხილებს დამსწრეებს, რომ დარბაზში პირველები ოჯახის წევრები და ახლობლები შევლენ. სხვებმა კი, რომლებიც დარბაზში ვერ მოხვდებიან გასასვლელისკენ უნდა გადაიწიონ, ანუ სხდომათა დარბაზს მოშორდნენ.
ფორუმი