“მკვლელმა პროკურორმა შმაგი გობეჯიშვილმა და მკვლელმა მოსამართლემ მარიდაშვილმა…”
ისევ აჩერებს მოსამართლე: თქვენ თავად გინდათ უფლება ჩამოგერთვათ საბოლოო სიტყვის? გაგაფრთხილეთ უკვე.
ახობაძე აგრძელებს: მომაკვდავ დედას მოჰპარეს ჩემი თავი…
მოსამართლე აჩერებს ისევ დაბალ ტონალობაშიო. “დამშვიდდით, დაწყნარდით, რატომ ღელავთ, რა საჭიროა ხმის ტემბრი და ომახიანობა?”
ახობაძე: თქვენიც კარგად გვესმის, არ არის ხოლმე ყვირილი საჭირო.
ამის შემდეგ გიორგი ახობაძე საქმეზე გადადის და მიმოიხილავს მისი დაკავების გარემოებებს, ჩხრეკას: “უკანონოდ მოიპოვეს ჩემი დნმ-ის ნიმუში და შემდეგ ნარკოტიკზე გადაიტანეს და ეს გაყალბებული ნივთია ჩემს წინააღმდეგ მთავარი მტკიცებულება”.
მისი თქმით, იტყუებიან პოლიციელები, რომ ვერ გადაიღეს რადგან არ ჰქონდათ ადამიანური რესურსი და ტექნიკა, არადა ათნი იყვნენო.
“ადასტურებენ, რომ ნარკოტიკების შემძენ-მომხმარებელი ვარ, მაგრამ არც მტკიცებულება წარმიდგინეს და არც ნარკოტესტი გამიკეთეს შეთავაზების მიუხედავად” (ახობაძის ხმა არის მაღალი და ბრაზით სავსე)
აგრძელებს ახობაძე: “როცა მიჭერდნენ ყველაზე სასიამოვნო იმის ცქერა იყო, როგორი ღირსებააყრილები იყვნენ… ძნელია აცნობიერებდე, რომ მორალური გვამი ხარ… მათ ჰქონიათ ჩვენ გვასამართლებენ და საკუთარი თავისთვის გამოაქვთ განაჩენი… მზია ამაღლობელის სიტყვებია: იბრძოლე სანამ გვიანი არ არის, მტერი ჰიბრიდულია, რთულია მისი აღქმა ამიტომ იბრძოლეთ სანამ გვიანი არ არის…. ციხით გვაშინებენ, მაგრამ ციხე არ არის საშიში, მხოლოდ ბრძოლის ველია პატარა, მათ ეგონათ თავისუფლება წამართვეს და სინამდვილეში ბრძოლის ველი დამიპატარავეს”
17:30 - ახობაძე სიტყვას კითხულობს სწრაფად, რთულია ზუსტი ჩაწერა. ის ამბობს, რომ მას მიზანმიმართულად უსწორდება სისტემა და ეს არის შურისძიება და ანგარიშსწორება. “ამ რევანშის შესახებ ორი ვიდეო მაქვს ჩაწერილი, ერთი დაჭერის წინ, რევანში ჩართულია პროკურორი, პოლიცია, მოსამართლეები”.
აჩერებს რომეო ტყეშელაშვილი: სასამართლოსთან ცოტა მოზომილად, სასამართლო შეხედულებაზე მსგავსი კონტექსტი ამოიღეთ და ისე გააგრძელეთ… არავის რევანში არ არის სასამართლო”.
ფორუმი