17:15 - სასამართლო 6 საათამდე მუშაობს, თუმცა მხარეებთან შეთანხმებით არასამუშაო საათებშიც შეიძლება გააგრძელოს მოსამართლემ განხილვა. ფაქტია, ეს სხდომა ფინალია. ბრალდებულის სიტყვის შემდეგ ორი გზა რჩება - მოსამართლე რომეო ტყეშელაშვილმა ან განაჩენი უნდა გამოაცხადოს ან გადადოს განაჩენის გამოცხადება მომდევნო სხდომაზე.
17:18 - სხდომათა დარბაზში შესვლისას ჭყლეტაა. მანდატური ამბობს, რომ დარბაზში აღარავის შეუშვებენ. სკამების ნაწილი ცარიელია. გარეთ ხმაურია.
“უკან გაიწიეთ, რა გჭირთ”, - ყვირის მანდატური.
მოსამართლესთან კომუნიკაციით შეთანხმდა, რომ 28 ადამიანი შემოვა.
17:25 - რამდენიმე წუთში ვითარება იცვლება. დარბაზში იხედება მოსამართლე: რომეო ტყეშელაშვილი და მანდატურებს ეუბნება: დაკეტეთ კარები, ვინც შემოვიდა შემოვიდა.
მანდატურებმა მაინც შემოუშვეს დამსწრეები და ადგილები შეავსეს.
17:27 - “მოსასმენად თუ ხართ მოუსმინეთ, ხმაურისთვის სხვა ადგილი მოძებნეთ სხვა სამყაროში”, - ეს არის მოსამართლის პირველი სიტყვები სხდომათა დარბაზში შემოსვლის შემდეგ. მისი ტემბრი მაღალია და კატეგორიული.
ფორუმი