ონისე ცხადაძის ადვოკატი, ლაშა ცუცქირიძე მოითხოვს აღკვეთის ღონისძიების ყველაზე მკაცრი სახე პატიმრობა გაუქმდეს.
მისი თქმით, ამ საქმეში დასმულია ახალი არსებითი მნიშვნელობის საკითხი, მათ შორის - უკვე დასრულებულია ბრალდების მხარის მტკიცებულებების გამოკვლევა. დაკითხულია მთავარი გამომძიებელი - არსებ ხუნაშვილი, რომელმაც „არსებითი მნიშვნელობის საკითხებზე ისაუბრა".
„გადაწყვიტეთ, არსებობს თუ არა ახალი საკითხები და მტკიცებულებები, რომელიც ცვლის ან აუქმებს პატიმრობას", - ამბობს ადვოკატი და ამატებს, რომ მიმალვის საფრთხე ონისე ცხადაძის შემთხვევაში თავიდანვე არ არსებობდა.
რაც შეეხება მტკიცებულებების განადგურება და ახალი დანაშაულის ჩადენის საფრთხეს, ლაშა ცუცუქირიძის თქმით, თეორიული საფრთხეები, რაც მოსამართლემ მიიჩნია, რომ პატიმრობის საფუძველია დრეს აღარ არსებობს.
„ბუნებაში წარმოუდგენელია, როგორ უნდა დაასაბუთოთ მტკიცებულებათა განადგურების საფრთხე", - ამბობს ადვოკატი.
ლაშა ცუცქირიძის თქმით, ყველა აღკვეთის ღონისძიების გადასინჯვის ეტაპზე დაცვის მხარე ვუთითებდით, რომ ახალი დანაშაულის ჩადენა, გამომდინარეობდა ჩადენილი დანაშაულიდა. „ისინი ვერ მიუთითებდნენ სხვა საფუძველზე, ონისე ცხადაძე ნასამართლევი არა ერთადერტი გზა დანაშაულის ძალადობრივ ხასიათზე და კატეგორიაზე მითითება იყო", - ამბობს ადვოკატი.
მისი განცხადებით, ბრალის შესახებ დადგენილებაში 29 ნოემბერს განხორციელებულ მოქმედებაში ედავებიან ონისე ცხადაძეს და აქ არც ერთი დაზარალებული არ მოსულა, რომელიც 29-ია დაზარალებული. „ერთადერთი მოვიდა, გამთენიას, 30-ში დაზარალებული და იმ ადგილას საერთოდ არ ყოფიილა, სადაც ონისე იყო, შესაბამისად ამ კონტექსტში დაზარალებულად ცნობილი პირების შემხებლობა ონისე ცხადაძის მოქმედებასთან არის გამორიცხული", - თქვა ადვოკატმა და დაამატა, რომ ვერც ერთმა დაადო ხელი ონისე ცხადაძეს.
მესამე გარემოება, ადვოკატის თქმით, არის ის, რომ ბრალდების მხარეს მოპოვებულ მტკიცებულებებში არ არის ჩვენება, რომელიც ჯგუფურ დანაშაულში ონისე ცხადაძის რაიმე ფორმით მონაწილეობას დაადასტურებდა. „ველოდით, ყოველ პროცესზე მოწმეს, რომლის ჩვენებაც გაგიღრმავებდათ რწმენას,რომ აქ ჩადენილია ჯგუფური დანაშაული.... ბრალდების პოზიციას ფარდა ახადა, წერტილი დაუსვა გამომძიებლის სიტყვებმა, მან თქვა ის, რასაც ვამბობდით, მან გაამყარა მოსაზრება, რომელსაც ჩვენ ვამბობდით. თქვენ ხელში გაქვთ საქმის მთავარი გამომძიებლის ნაამბობი. მან გვითხრა, რომ არათუ ონისე ცხადაძეს, არამედ არც ერტ პირს, ვინც ბრალდებულის სკამზე იმყოფება პირდაპირი კავშირი და კონტაქტი არ უდგინდებათ ორგანიზატორებთან. ზოგადად, ბრალდებულებს შორისაც არ დგინდება პირდაპირი კავშირი", - ამბობს ლაშა ცუცქირიძე.
ვერც ერთ დამაზუსტებელ კითხვაზე, ამბობს, ადვოკატი, გამომძიებელმა ვერ გასცა პასუხი, რომელიც დაარწმუნება მოსამართლეს, რომ ჩადენილია ჯგუფური დანაშაულ და მასში მონაწილეობდა ონისე ცხადაძე.
გიორგი ტერიშვილის ადვოკატის, ირაკლი ჩომახაშვილის თქმით, მოსამართლემ ორი საკითხი უნდა გაიაროს, პირველი არის თუ არა ახალი გარემოება და მეორე - ეს რა გავლენას მოახდენს პატიმრობაზე.
მისი განცხადებით, ახალი გარემოებები სახეზეა და ამოწურულია მტკიცებულებების განადგურების საფრთხე, რადგან უკვე გამოკვლეულია.
ისიც მოიხმობს მთავარი გამომძიებლის, არსენ ხუნაშვილის სიტყვებს, რომლის თანახმადაც ორგანიზატორებსა და ბრალდებულებს შორის პირდაპირი კავშირი არ დასტურდება.
„თქვენ უნდა თქვათ ასეთი რამ, ვინაიდან არ დადასტყურდა გარემოებები, რომელიც ახალი დანაშაულის ჩადენას დაედო საფუძვლად.. და ამაზე დაყრდნობით უნდა მიიღოთ გადაწყვეტილება", - ამბობს ჩომახაშვილი და ამატებს: გთხოვთ გააუქმოთ აღკვეთის ღონისძიება - პატიმრობა.
რევაზ კიკნაძისთვის აღკვეთის ღონისძიების შეცვლაზე შუამდგომლობა დააყენა სახაზინო ადვოკატმა, ირაკლი ბენიამ. გუჯა ავსაჯანიშვილი დღევანდელ სხდომას არ ესწრება.
შუამდგომლობას აყენებს ანდრო ჭიჭინაძის ადვოკატი, ნათია კორკოტაძე.
„ანდრო ჭიჭინაძე რომ უღირსი პიროვნება იყოს, ის პატივისცემა, რაც გამოხატა ციხის ადმინისტრაციამ, გამოხატავდა? ამდენი წელია ადვოკატი ვარ და არ მახსოვს ადმინისტრაციას ამ მასშტაბით მიელოცა ვინმესთვის დაბადების დღეს, ანდრო უნდა დარჩეს აღკვეთის ღონისძიების გარეშე და გაგრძელდეს საქმე ჩვეულებრივ...ჭიჭინაძე, რომლის თეატრმაც შეწყვიტა ფუნქციონირება, დოი გადადგა, აღარაა რეჟისორი, თეატრი არის უბატონოდ დარჩენილი, სპექტაკლი არ იმართება..მიიღეთ ობიექტური გადაწყვეტილება და აღკვეთის ღონისძიების გარეშე დატოვეთ ანდრო ჭიჭინაძე", - ამბობს ადვოკატი.
მან გაიხსენა მოსამართლის შენიშვნა, რომელიც მისცა ადვოკატ ნიკოლოზ ლეგაშვილს. სტრასბურგის პრაქტიკიდან სამი მაგალითი უკვე მოიყვანეთ და მეტი აღარ გვინდაო. ამის პასუხად და კოლეგიალობის არგუმენტითაც, ნათია კორკოტაძემ თქვა:
„თქვენ გააჩერეთ ჩემი კოლეგა უკვე სამი მაგალითი თქვით სტრასბურგის პრაქტიკიდან და საკმარისია, მე ვიცი, რომ მოსამართლეები 28 ფურცლიდან 20-ში სტრასბურგის მაგალითებს წერენ, აბა თქვენ რამდენს გამოიყენებთ, როცა გადაწყვეტილებას მიიღებთ...
მე რომ გიყურებთ ზოგჯერ ისეთი სახე გაქვთ ვფიქრობ, რაღაც ვთქვა, თავს ვიკავებ და ვჩერდები, როცა თქვენს სახეზე ღიმილს ვხედავ ჩემში ნაპერწკალი იღვიძებს. ჩემი თხოვნაც იქნება და მოთხოვნაც, გადადგით ეს ნაბიჯი დღეს და შეცვალეთ აღკვეთის ღონისძიება ყველა სინდისის პატიმრის მიმართ".
ფორუმი