სამი ქართველი სამხედრო დაიჭრა ავღანეთში, ბაგრამის საავიაციო ბაზაზე თვითმკვლელის მიერ განხორციელებული თავდასხმის შედეგად. მათგან ერთის მდგომარეობა სტაბილურად მძიმეა და სავარაუდოდ მისი მკურნალობა გერმანიაში გაგრძელდება. ტერაქტის შედეგად დაშავებული ჯარისკაცები ნატოს „მტკიცე მხარდაჭერის“ მისიაში მსახურობენ. მომხდარის კვალდაკვალ საქართველოში კვლავაც აქტიურად ლაპარაკობენ იმის შესახებ, თუ რამდენად მნიშვნელოვანია ქვეყნისთვის - იდგეს გლობალური მშვიდობის დაცვის სადარაჯოზე, ცივილიზებულ სამყაროსთან ერთად. საქართველოს წვლილს ადეკვატურად აფასებს ჩრდილოატლანტიკური ალიანსი. სიუჟეტის ავტორები: ლელა კუნჭულია, ნუგზარ ფანქველაშვილი, მერაბ ნადირაშვილი.