ფემინისტმა მხატვარმა ლია უკლებამ და ჟურნალისტმა ეკა კუხალაშვილმა გამოფენა და ვიდეოინსტალაცია მოაწყვეს მუშა ქალების ცხოვრების შესახებ. პროექტი, რომლის სახელწოდებაა „გასვლა აკრძალულია“, ქუთაისის სამკერვალო ფაბრიკასა და ჭიათურაში მომუშავე ქალების ცხოვრებასა და მათ მძიმე შრომას ეხება. გამოფენაზე წარმოდგენილი ნახატებით, ვიდეოჩანაწერებითა და ქალების ნივთებით ავტორები დამთვალიერებლებს აჩვენებენ იმ რეალობას, რომელშიც ეს ქალები აღმოჩნდნენ „ჩაკეტილი“. პროექტი განხორციელდა არასამთავრობო ორგანიზაციის - „ქალთა ფონდი საქართველოში“ - ფინანსური მხარდაჭერით.