25 იანვარს რადიო თავისუფლების "დილის საუბრების" სტუმარი იყო გიორგი ბერაია, "საერთაშორისო გამჭვირვალობა - საქართველოს" იურისტ-ანალიტიკოსი. მან ილაპარაკა უდანაშაულობის პრეზუმფციის დაცვის მნიშვნელობაზე, გახმაურებული საქმეების შესახებ ოფიციალური ინფორმაციის გავრცელებისას. "საერთაშორისო გამჭვირვალობა - საქართველომ" გამოაქვეყნა წერილი, რომლითაც გამოეხმაურა პროკურორ ვახტანგ ქირიას მკვლელობის საქმეზე შინაგან საქმეთა მინისტრის მოადგილის კომენტარებს. "დილის საუბრებში" გიორგი ბერაიამ განმარტა უდანაშაულობის პრეზუმფციის მნიშვნელობა, საზოგადოების ინტერესის ფაქტორი, ხელისუფლების პასუხისმგებლობა და ბრალდების მხარის პასუხისმგებლობა - სასამართლოს განაჩენამდე პირის ბრალეულობაზე მტკიცებით ფორმაში არ ილაპარაკოს.
