„წითელი ზონის“ ეს გამოშვება ნიუ-იორკშია მომზადებული და მეოცე საუკუნის უდიდეს ქორეოგრაფს, ჯორჯ ბალანჩინს ეძღვნება. გადაცემა ორ ნაწილად იყოფა. პირველ ნაწილში გავიხსენებთ ბალანჩინის ბიოგრაფიას და მისი ცხოვრების ნაკლებად ცნობილ ფაქტებს. ჩვენს ამერიკელ თანამემამულეზე, მელიტონ ბალანჩივაძის ვაჟზე, გიორგი-ჯორჯ ბალანჩინზე მისი კოლეგები, მოსწავლეები გვიამბობენ. გადაცემის მეორე ნაწილში დიდი ხელოვანის შემოქმედებაზე ვისაუბრებთ. „წითელ ზონას“ გიორგი გვახარია უძღვება.