დღევანდელ ქართულ სკოლას ისევ უჭირს თანამედროვე საშუალო სკოლად ჩამოყალიბება. საბჭოთა სკოლის ტრადიციები კვლავაც იჩენს თავს აღზრდისა და სწავლის სისტემაში, სახელმძღვანელოებში და, განსაკუთრებით, მოსწავლეების მიმართ მასწავლებლების დამოკიდებულებაში. არაერთი სპეციალისტის აზრით, სკოლა ფაქტობრივად გადაქცეულია უმაღლესი განათლების მიღების ეტაპად. დღევანდელ საგანმანათლებლო სისტემაში საბჭოთა აღზრდის ტრადიციებზე საუბრობს განათლების სპეციალისტი სიმონ ჯანაშია.