უწყვეტი პროტესტის 67-ე დღეს თბილისის შემოსასვლელთან, სავაჭრო ცენტრ "თბილისი მოლთან" მიმდინარე საპროტესტო აქციაზე პოლიციამ მოქალაქეების დაკავება დაახლოებით საღამოს 6 საათისთვის დაიწყო - ამ დროისთვის მაგისტრალზე მოძრაობა გადაკეტილი არ ყოფილა ავტომობილებისთვის.
საღამოს 6:48 წუთისთვის, დაკავებულია ათზე მეტი ადამიანი - ცნობილია, რომ დაკავებულებს შორის არიან პოლიტიკოსები გიგი უგულავა, ნიკა მელია, გიორგი კირთაძე და თენგო თევზაძე, ასევე - დიმა ბიძინაშვილი.
მოქალაქეების დაკავების დაწყების დროისთვის, გზის საავტომობილო ნაწილი ნაწილობრივ პოლიციას ჰქონდა დაკავებული და მოქალაქეები მხოლოდ ერთ ზოლზე იყვნენ.
ასევე ნახეთ "თბილისი მოლთან" საავტომობილო მოძრაობა შეფერხებულია - აქციაზე დაშავდა "ტვ პირველის" ოპერატორი ნიკო კოკაია"თბილისი მოლთან" 2 თებერვალს აქციის გამართვაზე ინფორმაციის გავრცელების შემდეგ, ირაკლი კობახიძემ, მთავრობის სახელით მიღებული გადაწყვეტილებით, აღმაშენებლის გამზირი 31 იანვარს სტრატეგიული ობიექტების ჩამონათვალში შეიყვანა და მისი გადაკეტვა აკრძალა. ამ რეგულაციის დარღვევისთვის პატიმრობაა გათვალისწინებული. აქციის დაწყებამდე შსს-მ ორჯერ გაავრცელა გამაფრთხილებელი განცხადება.
ასევე ნახეთ შსს კიდევ ერთ გამაფრთხილებელ განცხადებას ავრცელებს თბილისში დაგეგმილ აქციასთან დაკავშირებით