აშშ-ის სახელმწიფო დეპარტამენტის სპიკერ ტამი ბრიუსის ინფორმაციით, 17 აპრილს აშშ-ის სახელმწიფო მდივანი მარკო რუბიო ესაუბრა რუსეთის საგარეო საქმეთა მინისტრ სერგეი ლავროვს.
ოფიციალური ინფორმაციის თანახმად, სახელმწიფო მდივანმა რუს კოლეგას გადასცა იგივე გზავნილი, რაც მან გაუზიარა უკრაინის დელეგაციასა და ევროპელ მოკავშირეებს პარიზში: პრეზიდენტ ტრამპსა და აშშ-ს სურთ ამ ომის დასრულება და ახლა ყველა მხარეს წარუდგინეს ხანგრძლივი და განგრძობადი მშვიდობის მონახაზი.
"პარიზში აშშ-ის მიერ შეთავაზებული ჩარჩოს იმედისმომცემი მიღება აჩვენებს, რომ მშვიდობა შესაძლებელია, თუკი ყველა მხარე მოიწადინებს შეთანხმების მიღწევას" - ვკითხულობთ სახელმწიფო დეპარტამენტის განცხადებაში.