GUR-ის ინფორმაციით, ჩამოგდებული თვითმფრინავის ღირებულება 50 მილიონ დოლარამდეა.
„შავი ზღვის აკვატორიაში ლიკვიდირებულია რუსული სუ-30 - ეს არის პირველი შემთხვევა მსოფლიოში, როდესაც საბრძოლო თვითმფრინავი განადგურდა საზღვაო დრონის მეშვეობით. ისტორიული დარტყმა მიაყენეს უკრაინის მთავარი დაზვერვის სამმართველოს სპეციალური დანაყოფის, Group 13-ის მებრძოლებმა, წყალზე მოქმედი უპილოტო პლატფორმა Magura-დან გაშვებული რაკეტით“, - ნათქვამია უწყების განცხადებაში.
დაზვერვამ ასევე აღნიშნა, რომ უკრაინულ საზღვაო დრონებს უკვე ჰქონდათ საჰაერო სამიზნეების განადგურების გამოცდილება - 2024 წლის 31 დეკემბერს დაზვერვამ ორი რუსული მი-8 ვერტმფრენის განადგურება დააფიქსირა.
მანამდე რუსულმა არხმა Fighterbomber-ი, რომელიც ხშირად ასოცირდება რუსეთის საჰაერო-კოსმოსურ ძალებთან, განაცხადა, რომ ნოვოროსიისკზე განხორციელებული უკრაინული საზღვაო დრონის თავდასხმის შედეგად, რომელსაც პორტატიული საზენიტო-სარაკეტო კომპლექსი ეყენა, რუსული სამხედრო თვითმფრინავი ჩამოაგდეს. მათი ინფორმაციით, ეკიპაჟმა მოახერხა კატაპულტირება და ისინი სამოქალაქო გემმა გადაარჩინა.
ტელეგრამ-არხი „Крымский ветер“ წერს, რომ, სავარაუდოდ, ჩამოგდებული იყო სუ-30სმ, ხოლო ეკიპაჟი გადაარჩინა პანამის დროშის ქვეშ მცურავმა გემმა VICTORIA FORTUNE.
რუსეთის სამხედრო უწყებას აღნიშნულ ფაქტზე ოფიციალური კომენტარი არ გაუკეთებია.
უკრაინის თავდაცვის სამინისტროს განცხადებით, შავ ზღვაში რუსული სუ-30 საზღვაო დრონით გაანადგურეს
უკრაინის თავდაცვის სამინისტროს მთავარი დაზვერვის სამმართველომ (GUR МО) დაადასტურა, რომ რუსული საბრძოლო თვითმფრინავი სუ-30 განადგურებულ იქნა საზღვაო დრონით ნოვოროსიისკთან ახლოს, სადაც ამჟამად რუსეთის შავი ზღვის ფლოტია ბაზირებული. შესაბამისი ვიდეომასალა გამოქვეყნდა უწყების ტელეგრამ-არხში.
ასევე ნახეთ
ყველაზე პოპულარული
1
ფორუმი