თბილისში დაპირისპირებაში გადაიზარდა საპროტესტო აქცია, რომელიც ეროვნულ ბიბლიოთეკასთან გაიმართა საქართველოს პრეზიდენტის, მიხეილ სააკაშვილის დაგეგმილ გამოსვლასთან დაკავშირებით. ბიბლიოთეკაში შესვლის მცდელობისას, სიტყვიერი და ფიზიკური შეურაცხყოფა მიაყენეს ნაციონალური მოძრაობის რამდენიმე წევრს, მათ შორის პარლამენტის დეპუტატს ჩიორა თაქთაქიშვილს. შინაგან საქმეთა მინისტრის, ირაკლი ღარიბაშვილის განცხადებით, ნაციონალური მოძრაობის წევრებმა არ ისარგებლეს ალტერნატიული დერეფნით, რომელიც მათ შსს-მ შესთავაზა ეროვნულ ბიბლიოთეკაში შესასვლელად. ნაციონალური მოძრაობის წევრები უარყოფენ ასეთი დერეფნის არსებობის ფაქტს.