„კავკაზ.რეალიის“ ცნობით, წუხანდელი დაძაბული ღამის შემდეგ, საქართველოში შემოსვლა მოახერხეს დაღესტნის სოფელ ხაჯალმახის მკვიდრმა დებმა ხადიჟატ და ფატიმატ ხიზრიევებმა, ამინატ გაზიმაგომედოვამ და ფატიმატ მაგომედოვამ, რომლებიც ოჯახურ ძალადობას გაექცნენ და საზღვარზე გადასვლის საშუალებას არ აძლევდნენ.
კრიზისულ ცენტრ SOS-ის ინფორმაციით, რომელიც დაზარალებულებს დახმარებას უწევს, ახალგაზრდა ქალები ახლა საქართველოს ტერიტორიაზე შედარებით უსაფრთხო ადგილას იმყოფებიან, მიუხედავად იმისა, რომ გოგონების ახლობლები დაჰპირდნენ, რომ მათ საზღვრის გადაკვეთისას ოჯახის სხვა წევრები შეხვდებოდნენ.
"კავკაზ.რეალიის" ცნობით, წუხელ რუსმა მესაზღვრეებმა გოგოებს პასპორტები ჩამოართვეს და პოლიციას გამოუძახეს. მათ აინტერესებდათ გაეგოთ, დართეს თუ არა მშობლებმა მათ საქართველოში წასვლის უფლება, რის შემდეგაც ადვოკატ ლეიზან მანაპოვას უთხრეს, რომ დაღესტნელ ქალებს ვალების გამო საზღვარგარეთ წასვლა აეკრძალათ. მას შემდეგ, რაც ადვოკატმა ვალის არარსებობის სერტიფიკატი აჩვენა, მესაზღვრეებმა განაცხადეს, რომ ისინი "ფილტრაციის ზომებს" ახორციელებენ. კერძოდ, სურთ ცალ-ცალკე დაელაპარაკონ დებს.
ნათესავები დების სახლში ძალით წაყვანას ცდილობდნენ, მაგრამ ადვოკატმა მოახერხა, პოლიცია დაერწმუნებინა, რომ არ დაეშვათ გოგონებთან მათი ნათესავები. დებმა ოჯახის წევრებზე განცხადებები დაწერეს, სადაც მათი მხრიდან გამოხატული ძალადობა აღწერეს. ამის შემდეგ ისინი ნეიტრალურ ზონაში გადაიყვანეს, შემდეგ კი საქართველოში შესვლის უფლება მისცეს.
