ფორდმა დასძინა, რომ 13 მარტს შეხვდება აშშ-ის ვაჭრობის მინისტრ ჰოვარდ ლუტნიკს ორ ქვეყანას შორის სავაჭრო ურთიერთობების განსახილველად.
მანამდე დონალდ ტრამპმა გამოაცხადა 50-პროცენტიანი ტარიფები კანადურ ფოლადსა და ალუმინზე, ონტარიოს მიერ შეერთებულ შტატებში მიწოდებულ ელექტროენერგიაზე 25-პროცენტიანი გადასახადის საპასუხოდ. მან ასევე პირობა დადო, რომ 2 აპრილიდან ტარიფებს დააწესებს კანადიდან იმპორტირებულ მანქანებზე.
გუშინ ფორდმა გამოაცხადა, რომ შეერთებული შტატების მხრიდან ტარიფების გაზრდის საპასუხოდ 25%-იან ტარიფებს დააწესებს ელექტროენერგიაზე, რომელიც მიეწოდება მინესოტის, მიჩიგანისა და ნიუ-იორკის შტატებს. მისი შეფასებით, ეს ზომა გავლენას მოახდენს 1,5 მილიონ ადამიანზე და 100 დოლარით გაზრდის მათ გადასახადს ელექტროენერგიაზე. ფორდმა თქვა, რომ გაზრდილი ტარიფებიდან მიღებულ შემოსავალს გამოიყენებს აშშ-ის ნაბიჯებით დაზარალებული მუშაკებისა და ბიზნესების მხარდასაჭერად.
ფორუმი