4 ივლისის დილის ექვსი საათისთვის ცნობილია, რომ კიევში დაშავდა 14 ადამიანი, რომელთაგან 12-ს ჰოსპიტალიზაცია დასჭირდა. ამის შესახებ კიევის მერი ვიტალი კლიჩკო იუწყება.
კიევის საქალაქო-სამხედრო ადმინისტრაციის ცნობით, დედაქალაქის ექვს რაიონში დაზიანებულია სახლები და სხვა შენობები. გაჩნდა ხანძრები.
კიევის ოლქის სამხედრო ადმინისტრაციის მონაცემებით, ბუჩის და ფასტოვის რაიონებში დაზიანებულია მრავალბინიანი და კერძო სახლები.
რუსეთის მორიგი მასირებული შეტევა 3 ივლისის ღამიდან დაიწყო. კიევსა და კიევის ოლქში გამოცხადდა საჰაერო განგაში, რომლის დროსაც მოქალაქეები ვალდებული არიან თავშესაფრებში გადავიდნენ.
ფორუმი