კითხვებს სვამს გორგაძისა და მიმინოშვილის ადვოკატი, შოთა თუთბერიძე:
ადვოკატი ეკითხება მოწმეს, გიორგი გორგაძის ვიდეოზე, ხომ არ შეუმჩნევია რაიმე მანიპულაცია. „არ მახსენდებაო“, - პასუხობს გამომძიებელი.
„ექსპერტი არ ვარო“, პასუხობს, როცა ეკითხება კადრიდან კადრამდე წყვეტა ხომ არ არისო. ამის შემდეგ ადვოკატი მოწმეს ვიდეოს აჩვენებს:
„დააკვირდით, ბატონო ლევან იცვლება თუ არა კადრი და უწყვეტია თუ არა, თუ ვერ ამჩნევთ, მითხარით, რომ ვერ ამჩნევთ".
მოწმე იგივეს პასუხობს: „არ მახსენდება..ვერ შევამჩნიე".
[მოსამართლე კიდევ ერთხელ განუმარტავს პოლიციელს მოწმის ქცევის წესებს. სანამ მე არ გაგაჩერებთ ვალდებული ხართ ყველა კითხვას პასუხი გასცეთო].
ადვოკატი ცდილობს შეაჯამოს: თქვენ არ გახსენდებათ არ შეგიმჩნევიათ ვიდეოზე წყვეტა, მაგრამ მოახერხეთ გიორგი გორგაძის იდენტიფიცირება. ამის შემდეგ ეკითხება მოწმეს: როდისაა გადაღებული იცით?
ლევან ბასილაძის თქმით, „რამდენადაც ახსოვს პატაკში ეწერა, რომელიც გიორგი ჯიქიამ დაწერა".
შოთა თუთბერიძე ეკითხება, ადასტურებს თუ არა პატაკის სიზუსტეს და მის მიღმა, კიდევ, რა იცის. მოწმე კითხვას თავს არიდებს.
შოთა თუთბერიძის დაკითხვაში ერთვება გუჯა ავსაჯანიშვილი და აზუსტებს: ინფორმაცია ანუ პატაკი, რომელსაც დაეყრდენით არის თუ არა ირიბი მტკიცებულებაო.
მოსამართლე განმარტავს, ლევან ბასილაძე ახლა მოწმის სტატუსით სარგებლობს და არა გამომძიებლის და შეფასებებს ნუ მოთხოვთო.
ამის შემდეგ ავსაჯანიშვილი აზუსტებს კითხვას: ის ინფორმაცია, რითაც იხელმძღვანელეთ, გადამოწმებადია თუ არა?
ლევან ბასილაძის თქმით, როგორც წესი იკითხება პატაკის შემდგენი, წყარო ინფორმაციის არ გამოკითხულა და ასეთი პრაქტიკაში არ გვაქვსო.
„რადგან გამოკითხული არ არის, ე.ი. გადამოწმებადი არაა", - ასკვნის ადვოკატი ავსაჯანიშვილი. მოწმე ამტკიცებს, რომ გადამოწმებადია.
ისევ შოთა თუთბერიძე აგრძელებს: რამე ღონისძიება ან ქმედება თუ განახორციელეთ, რომ ოპერატიული ინფორმაციის სისწორე გადაგემოწმებინათ, მაგალითად გადაღების დროსთან დაკავშირებით, იქ რომ დაეწერათ ახალი წლის ღამითაა გადაღებული საზეიმო ვითარებაშიო, იტყოდით, რომ ეგრეა, რადგან ოპერატიულ ინფორმაციაში ეგრე წერიაო?
მოწმე პასუხობს: დათვალიერების ოქმში არის მითითებული, რომ მიზანი კონკრეტული ადამიანის იდენტიფიკაცია იყო.
„კი“ ან „არას“ ფორმატში გვიპასუხეთო დაკითხვის დაწყებამდე ამბობს ადვოკატი გუჯა ავსაჯანიშვილი და სვამს კითხვას:
- შეგიძლიათ თქვათ, რომ თქვეს მიერ საგამოძიებო მოქმედებებით, დგინდებოდა თუ არა ყველა ძალადობრივ მოქმედებებს ხელმძღვანელობდა ზვიად ცეცხლაძე, ვასილ კაძელაშვილი და ვეფხია კასრაძე, დადგინდა თუ არ დადგინდა?
- კონკრეტული გამოძიების მიერ, რა დადგინდება და რა- არა, არ დგინდება გამოძიებისას
- ლექციისთვის არ ვარ აქ, უშუალოდ მისი გამოძიებით თუ დადგინდა ან არ დადგინდა?
ჩაერია პროკურორი, ვაჟა თოდუა: საქმეზე რამდენიმე მტკიცებულება აქვს მოპოვებულიო. ავსაჯანიშვილის თქმით, პროკურორი მოწმეს კითხვის პასუხს კარნახობს.
მოსამართლე თამარ მჭედლიშვილი მიმართავს პროკურორს, ბევრჯერ გითხარით, როცა შუამდგომლობას აყენებთ, შუამდგომლობა იყოს და არ გამომდინარეობდეს პასუხიო. „ერთი და იგივეს ლაპარაკით დავიღაკე, პროკურორებთან, ადვოკატებთან და მოწმეებთანაც", - ამბობს ის. ადვოკატის კითხვა განრიდებული არაა.
მოწმე: ჩემს მიერ მოპოვებული იყო მნიშვნელოვანი მტკიცებულებები, რომლითაც დგინდებოდა აღნიშნული
ადვოკატი: თუ დგინდებოდა, მაშინ დამისახელეთ კონკრეტული მტკიცებულება?
პროკურორი იცილებს, მოსამართლე არ აკმაყოფილებს
ადვოკატი: ნიკოლოზ ჯავახიშვილთან მიმართებით, დადგინდა თუ არა, რომ ყველა ის ძალადობრივი მოქმედება, რასაც ის ჩადიოდა ორგანიზდებოდა ცეცხლაძის, კასრაძს და კაძელაშვილის მიერ?
მოწმე: ნიკოლოზ ჯავახიშვილთან დაკავშირებით საგამოძიებო მოქმედებები არ ჩამიტარებია....ჩემს მიერ მოპოვებული მტკიცებულებები იყო მნიშვნელოვანი მტიცებულებები, რომლითაც აღნიშნული დგინდებოდა
ადვოკატი: თქვენს მიერ ჩატარებული საგამოძიებო მოქმედებებით არ დადგინდა, რომ ნიკოლოზ ჯავახიშვილის მოქმედებებს აორგანიზებდა ზევით ჩამოთვლილი პიროვნებები? [ამ კითხვას სვამს ადვოკატი, მას შემდეგ, რაც მოწმემ თქვა, რომ ნიკოლოზ ჯავახიშვილთან დაკავშირებით საგამოძიებო მოქმედებები არ ჩაუტარებია
მოწმე: .... დადგინდა თუ არ დადგინდა შეფასებითია, ჯავახიშვილთან დაკავშირებით საგამოძიებო მოქმედებები არ ჩამიტარებია.
კითხვებს უსვამს მოწმეს ბრალდებული ნიკოლოზ ჯავახიშვილი. მის გვერდით დგას მისი ადვოკატი, გუჯა ავსაჯანიშვილი:
- ახსენეთ მამა დავითი და წყნეთს, საიდან გამომდინარე ახსენებთ?
- ვიდეოს შინაარსიდან გამომდინარე
[კითხვები აღარ განმეორდესო, ამბობს მოსამართლე]
- თქვენ ეს ვიდეო ნახეთ?
- დიახ
- როცა მოწმედ მოხვედით, მოსამართლემ გითხრათ ვინმეს ხომ არ იცნობთო ან ინტერესი გაგაჩნიათო[ბრალდებულებს შორის - რ.თ.], არაო და ისიც არ გითქვამთ, მხოლოდ საქმიდან გამომდინარეო
- რამდენადაც მახსენდება ის პასუხი გავეცი, რომ მხოლოდ საქმიდან გამომდინარე მეთქი, მაგალითად თორნიკე გოშაძის სახლი გავჩხრიკე და შემდეგ გამოვკითხე კიდეც.
- რატომ არ თქვით, რომ თორნიკე გოშაძეს საქმიდან გამომდინარე იცნობდით?
- ზუსტად ეგ პასუხი გავეცი, რომ საქმიდან გამომდინარე მქონია შეხება მეთქი.
- რაიმე პრეტენზია გაქვთ ჩვენს მიმართ საქმესთან დაკავშირებით?
- საქმესთან დაკავშირებით რას გულისხმობთ
- სპეციალურმა საგამოძიებო სამსახურმა დაგკითხათ?
- არ მახსენდება
- იმდენად უმნიშვნელოა, რომ არ გახსენდებათ?
- არ დავკითხულვარ
- იუთუბზე არის გავრცელებული ვიდეოო, გორგაძეს ვგულისხმობ, ვინ ატვირთაო..
- არასწორად გაიგეთ, ექაუნთის სახელი იყო ვაჟა ასათიანი
- ვიდეო ვინც ატვირთა, მასთან დაკავშირებით საგამოძიებო მოქმედებები ჩაატარეთ?
- გამოძიების ფარგლებში მე მხოლოდ იდენტიფიკაცია უნდა მომეხდინა
- პირი ჩადის დანაშაულს, ვიღაც ტვირთავს და თქვენ გამომძიებელი არ გაძლევთ უფლებას იდენტიფიცირება მოახდინოთ?
[გაცემული აქვს პასუხი, მოსამართლე ამბობს]
- თქვენ როგორც გამომძიებლისთვის ჰაერში რომ ფეიერვერკი გავისროლე იყო თუ არა დანაშაული? [ფორმულირებას ასწორებს ადვოკატი - თქვენ როგორც გამომძიებელმა, როცა მიდიოდა გამოძიება იცოდით თუ არა რომ ჰაერში ფეიერვერკის გასროლა იყო დასჯადი]
პროკურორი ერევა, შეფასებას ითხოვთო მოწმისგან და განარიდეთო.
- თუ ჰაერში ისროდით და დააზიანებდით პოლიციელს დანაშაულია, თუ არ ისვრიდით პოლიციელის მიმართულებით და საზეიმო ვითარებაში ახალ წელს აღნიშნავ არ არის დანაშაული
- თუ ჰაერში ვისვრი აქციაზე?
[აცილებაა]
მოწმე პოლიციელის, ლევან ბასილაძის მამა, ადვოკატ შოთა თუთბერიძის თქმით, ქუთაისის საკრებულის თავმჯდომარის პირველი მოადგილე, გია ბასილაძეა ქართული ოცნებიდან. მან ამ საკითხე მოწმისთვის კითხვის დასმა განიზრახა.
პროკურატურამ აცილება მოითხოვა. ადვოკატმა განმარტა:
„ეს მიუთითებს მის პოლიტიკურ მიკერძოებულობაზე, ის უნდა იყოს პოლიტიკურად მიუკერძოებელი, როგორც მოწმე და პოლიციელი. მისი ცინიზმი ბრალდებულების მიმართ და მისი ცდელობა, კითხვეს პასუხი არ გასცეს და ის თქვას, რასაც პროპაგანდა საუბრობს. ჩემთვის მნიშვნელოვანია დადგინდეს არის ის მიკერძოებული მოწმე თუ ობიექტური....", - ამბობ შოთა თუთბერიძე.
მოსამართლე აჩერებს, როცა კითხვის განრიდებაზე საუბრობთ ჩარჩოებში ჩაჯექით ისე, რომ შეურაცხმყოფელი არ იყოსო.
„მისი ოჯახი, ვინ არის და რას წარმოადგენს შემხებლობა მოწმესთან არ აქვსო", - თქვა მოსამართლე, თამარ მჭედლიშვილმა და კითხვა განარიდა.
ფორუმი