ადვოკატი ომარ ფურცელაძე მოსამართლე, ნინო გალუსტაშვილს მოუწოდებს შეცვალოს ჯანო არჩაიას და გური მირცხულავას აღკვეთის ღონისძიება გირაოთი და სხვა დამატებითი ღონისძიებებით.
„ვინაიდან უკვე დასრულებულია მტკიცებულებებბის გამოკვლევა, მასზე ზემოქმედების რისკი აღარ არსებობს", - აცხადებს ადვოკატი და აგრძელებს შუამდგომლობის დასაბუთებას. ის ამატებს, რომ განმეორებითი დანაშაულის ჩადების საფრთხეც არ არსებობს, რადგან მოცემულ შემთხვევაშიც მისმა დაცვის ქვეშ მყოფებმა მხოლოდ ერთხელ ისროლეს რაღაც საგანი.
სხდომა განახლდა. აღკვეთის ღონისძიების შეცვლის შუამდგომლობას აყენებს ადვოკატი, ომარ ფურცელაძე. ის ამბობს, რომ ბრალდების მხარის მტკიცებულებები უკვე სრულადაა გამოკვლეული და მნიშვნელოვანია ინფორმაცია, რომელიც მიიღეს ბრალდების მოწმეებისგან.
ის მოიხმობს მთავარი გამომძიებლის, არსენ ხუნაშვილს ჩვენებას და ამბობს, რომ მისმა ჩვენებამ აჩვენა - საქმეში არ არის მტკიცებულება, რომელიც დაადასტურებს ორგანიზებულობას და სავარაუდო ორგანიზატორებთან კავშირს.
ამას გარდა, ომარ ფურცელაძის თქმით, ახალი გარემობაა დღეს მის მიერ წარდგენილი ექსპერტიზის დასკვნები, რომელმაც აჩვენა, რომ სულ რომ გური მირცხულავას გაესროლა ნივთი ის არ ყოფილა პოლიციის მისამართით ნასროლი. ამასთან დადასტურდა, რომ საგნის რაობის და სიმძიმის განსაზღვრა ვიდეოთი შეუძლებელია.
15-წუთიანი შესვენება გამოცხადდა, რადგან ერთ-ერთ სახაზინო ადვოკატს სხვა პროცესი აქვს. სხდომაზე არაა გუჯა ავსაჯანიშვილი. რევაზ კიკნაძე გაძევებულია. შესაბამისად, პროცესი მის გარეშე ვერ გაგრძელდება. ველოდებით
ფორუმი