სამივე მათგანი კლინიკაში გადაიყვანეს - ადგილობრივი მედიის, Odishi TV-ის ცნობით, ორი მათგანი მძიმედაა.
გამოცემის ინფორმაციით, ერთ-ერთმა, მერვეკლასელმა ბიჭმა, თავის ქალის მძიმე ტრავმა მიიღო. ღამის 12 საათზე გამოქვეყნებული ინფორმაციით, მას ნეიროქირურგიულ ოპერაციას უტარებენ.
მძიმედაა მეორე მათგანიც, რომელსაც მცირე ზომის ჰემატომა აქვს და, როგორც გამოცემა წერს, ხელოვნურ კომაშია.
მესამეს ხელი აქვს დაზიანებული, კლინიკაში პირველადი დახმარება აღმოუჩინეს და სტაციონარული მკურნალობა არ დასჭირვებია.
კლინიკასთან მოზარდების ოჯახების წევრები, მეგობრები და ახლობლები არიან შეკრებილი.
შემთხვევა თამარ მეფის ქუჩაზე, დავით აღმაშენებლის ეკლესიის სიახლოვეს მოხდა.
გამოძიება ტრანსპორტის მოძრაობის ან ექსპლუატაციის წესის დარღვევის მუხლით დაიწყო.
ტელეკომპანიის მიერ გავრცელებულ, სათვალთვალო ვიდეოკამერით გადაღებულ კადრებში ჩანს, რომ ავტომობილი მის წინ მოძრავ მსუბუქ ავტომობილს უსწრებს, რა დროსაც, სავარაუდოდ, მოზარდებს ეჯახება.
ფორუმი