რუსეთი ახალ პრეზიდენტს ირჩევს. საზოგადოებრივი აზრის გამოკითხვები ცხადყოფს, რომ კენჭისყრაში გაიმარჯვებს პრემიერ-მინისტრი ვლადიმირ პუტინი, რომელსაც 2000-2008 წლებში უკვე ეკავა პრეზიდენტის პოსტი. საჭირო გახდება თუ არა მეორე ტურის დანიშვნა, დღევანდელი კენჭისყრა გაარკვევს. პუტინის მეტოქეები არიან: ვლადიმირ ჟირინოვსკი, გენადი ზიუგანოვი, სერგეი მირონოვი და მიხაილ პროხოროვი.